 |
| 每次見到前面有小朋友，波波都會露出警戒嘅神情 |
今日喺fb上得知網友V嘅小松松被一個小朋友弄至前腿骨折, 詳細情況係點佢無講清楚, 只知道今日要做手術, 我即刻想起另一網友M嘅小松松, 佢經歷咗幾個手術, 到今日仍未復原． 呢個係一個警告, 提醒我松松D骨真係好易整到, 一定要小心看顧!
M嘅小松松骨折情況超過半年喇, 由今年4月做第一次手術, 始終得唔到預期嘅效果, 可憐小狗狗飽受折磨, 最近呢次要做骨髓移植手術, 從屁股拎一點點骨髓放在之前骨折嘅地方, 等佢自行長好, 眼見之前精靈可愛嘅小松松, 被折磨得無晒神氣, 外人見到都好心痛！
希望呢隻小松松今次手術成功, 之後就可以好好行走, 更希望V嘅松松唔好咁嚴重, 好好調養早日康復!!
 |
松松半年來做咗幾次手術喇,放入輔助物又折斷,
又要拎番出嚟, 又唔可以打釘驚破骨, 真慘！！ |
 |
| 由原本精靈可愛變到憔悴萬分！ |
我真係超怕嗰D奀皮仔, 成日好似漩風咁衝埋嚟, 當然佢哋未必係有惡意, 但一D無情力就好易令毛小孩受傷啦, 狗狗就得全靠我哋嘅保護喇！
難怪波波見到細路會驚, 我覺得狗狗嘅心靈感應力好強, 佢覺得受威脅會用把聲去做保衛; 對呢D細路我從來都唔會比佢哋接近我嘅寶貝, 更唔會比佢哋有機會掂到我嘅豬仔!
松松嘅骨又幼又脆, T醫生同H醫生都再三強調要小心保護, 唔好比佢哋跳高跳低, 一旦骨折要搵適當輔助品都唔容易, 要佢自然愈合又需時, 兼且未必完美, 真係要好小心保護先可以啦!
雖然有朋友覺得我係緊張大師, 對我嘅豬仔過份保護, 但我真係唔想佢哋受呢D不必要嘅痛苦!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
