3隻豬仔又一次激發起我嘅小宇宙喇, 一件人哋做起嚟係輕而易舉嘅事, 但對我呢D電腦白痴, 真係毫不容易呀!
從豬仔生日會後寫嗰篇blog開始, 加上咗youtube影片, 我總係覺得有不足之處, 明明首歌我有共鳴, 係因為我同3隻豬仔生活上嘅瑣事, 配上咗人哋嘅影像, 總係未如人意; 我真係好想有自己嘅一套影片, 無奈我又真係對呢D嘢一竅不通, 每日都係得個諗字!
今日終於亂打亂撞, 點都要做個嘗試, 終於成功咁做到我生平第一條影片喇, 從開始匯入相片, 配上歌曲, 跟住再加上轉換相片嘅效果; 最麻煩係配上字幕喇, 又快又慢, 攪到我頭都大埋!
雖然無技巧, 亦無任何特效, 但喺無人指導下我終於都突破自己, 再做咗一個奇跡出嚟, 天知道我對呢D真係白癡過白癡架!
雖然所有功夫真係做得好幼稚, 但可以成功咁有一條屬於我同3隻豬仔嘅短片, 我已經好心足, 好滿意!!!
