 |
| 掛上名牌有多一個保障！ 相片連結 |
依家每次同波波外出都會掛上名牌, 估唔到會有一日我真係用得著!
今早唔太熱, 陽光唔猛烈仲有風, 一次過同3隻豬出去散步, 始終覺得達達夜晚無行得咁好, 而且佢哋都需要晒吓太陽!
我本來都鍾意晚上出去嘅, 不過晚飯後多數係閒話家常嘅時間, 有時講吓講吓就唔願出去行, 又或者貪方便比佢哋坐住車仔落平台隨便兜一轉, 咁對達達唔係咁好!
做好一切裝備, 波波半小時前先餵花藥, 車仔鋪好冰涼墊, 又綁好風扇添, 再同佢哋圍好冰頸帶, 出發!!
 |
| 扣咗安全帶, 佢哋爬高爬低有D束搏,無咁放恣! |
早上真係無晚間咁多狗狗, 我都會放鬆少少警戒, 要一路行一路好緊張咁兩頭望, 有無放繩狗衝埋嚟, 其實真係好攰架, 少D狗狗可以relax一D啦 :)
對於波波都有好處, 我都唔想測試佢嘅底線, 只希望佢可以好好享受行街街!
 |
| 攪錯呀, 都未開始行就伸長晒脷! |
波波反應都算正常, 遇到拖住繩又平靜行過嘅狗狗(即係狗哋無望佢), 佢無吠; 不過遇到一隻柴犬, 佢對住波波發出"ha ha ha"咁嘅聲, 又想衝過嚟, 咁佢就狂吠喇! 好在狗狗有拖繩嘅, 主人hold住, 工人姐姐話佢好驚呀; 對於有主人拖住嘅狗狗我依家唔驚喇, 就算好大好惡, 我都ok, 我都有進步架 :)
跟住到達達行, 佢好耐無日間出去喇, 都預咗佢又要從頭嚟做熱身; 一開始行佢喺度氹氹轉, 無晒方向感; 不過佢好快就適應番, 可能佢真係好鍾意行街街吧, 睇住佢行咗無耐就放鬆晒, 好努力又好享受咁向前行!
豆b呢隻懶惰豬, 要佢行呢, 就好次D懶惰小朋友交功課一樣, 快快咁跑咗一小段路當係交差, 跟住就點都唔肯再行; 佢只係鍾意遊車河, 最享受坐喺車上東張西望!
 |
| 佢話要休息, 唔行喇! |
同佢地行咗一輪, 又做完一次親子活動喇, 又係時候番去準備3隻豬仔嘅午餐:)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
