如往年一樣, 一早起身要忙住整點心, 跟住場地佈置, 又要跑出去攞蛋糕, 呢一切都唔可以靠人.
番嚟要開始同佢哋打扮喇, 其實都知佢哋唔鍾意著衫, 不過唔該勉為其難比媽媽玩吓, 唔想年年一樣影裸體相啦!
好似車輪轉咁兩頭騰, 就過咗一個上晝, 跟住叫阿女負責影相, 我就幫佢哋切蛋糕, 分配點心等等!
忙完一輪, 服侍3隻豬仔食完晏, 咁就到咗曲終人散嘅時候; 有時都會諗咁忙一餐都唔知因乜解究, 不過生活都應該有D小插曲嚟調劑一吓啦!可能有人會覺得我為幾隻狗狗咁忙, 真係有D過份, 但我覺得以前為阿女慶祝生日,甚至 N年前緊緊張張咁為自己開生日派對, 感覺上真係無乜唔同; 都係為平淡嘅生活抹上一D色彩嗟, 不同階段做不同嘅嘢, 都無乜唔啱吖 :)
忙完一輪, 服侍3隻豬仔食完晏, 咁就到咗曲終人散嘅時候; 有時都會諗咁忙一餐都唔知因乜解究, 不過生活都應該有D小插曲嚟調劑一吓啦!可能有人會覺得我為幾隻狗狗咁忙, 真係有D過份, 但我覺得以前為阿女慶祝生日,甚至 N年前緊緊張張咁為自己開生日派對, 感覺上真係無乜唔同; 都係為平淡嘅生活抹上一D色彩嗟, 不同階段做不同嘅嘢, 都無乜唔啱吖 :)
大部份人生活都好似有條公式, 大致差不多一樣, 都係跟隨住條軌跡而行!
細個嘅時候, 生命裏面最重要嘅人係父母; 大咗戀愛時候當然滿腦子係愛人, 跟住結婚又有新嘅開始, 最緊張嘅當然係陪伴你左右嘅人; 之後有咗兒女, 又踏入另一個新階段, 相信為人父母都有相同感受, 兒女係你嘅心頭肉, 所有人都唔及佢咁親啦!
之後......兒女長大有佢哋自己嘅生活, 媽媽喺佢哋生命裏面已經唔係最重要; 父母年老相繼離世而去, 而同老伴嘅生活, 都由小火燄變咗細水長流, 生活變得平淡如水!
好感恩我有呢班豬仔, 令我覺得永遠被重視, 被需要, 我從新有一個使命感; 而因為呢幾隻豬仔, 仲帶比我好多新嘗試, 新刺激; 令我同老公有新嘅生活方向, 相同理念, 一家人有新嘅共同話題; 再者仲認識到一班志同道合嘅新朋友, 呢一切得著, 全都因為呢幾隻豬仔!
突然記起呢首歌,陳百強嘅"漣漪", 好配合此刻嘅感覺!
為幾隻豬仔, 嘗試做咗一條短片........
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
