今朝一早又同3隻豬出去散步!
落到樓下已經感覺好熱, 太陽好猛, 咁早出動都咁熱, 我唔敢放佢哋落地行; 推住車仔轉落下一條街,嗰度有樹陰就比較好, 試過地下唔熱, 就放達達先行!
落到樓下已經感覺好熱, 太陽好猛, 咁早出動都咁熱, 我唔敢放佢哋落地行; 推住車仔轉落下一條街,嗰度有樹陰就比較好, 試過地下唔熱, 就放達達先行!
由我推車仔比姐姐拖達達, 因為呢對twins好曳曳嘅, 好黐身!如果唔係我推佢哋, 佢哋會爬高爬低, 一定要落咗個罩先得, 但咁熱我又唔想咁, 唯有比達達跟姐姐行啦!
好彩達達出咗街無咁揀擇, 佢完全融合喺佢自己嘅世界, 其他嘢再與佢無關! 佢比早前行得更好喇, 步履穩定, 無團團轉, 好快咁就行咗幾round!
跟住輪到波波喇, 佢好開心喺咁跑, 見到咁我都心情輕快; 行咗一陣見到有隻poodle喺前面, 波波都無異狀, 我拖住佢行向另一方向, 費事硬碰硬啦!
本來都好好哋嘅, 波波同嗰隻poodle分別行相反方向, 距離好遠, 完全無conflict; 點知突然聽到有狗狗聲狂吠, 我回頭一望, 見到有隻史納莎同隻poodle面對面咁撲起; 波波一受呢D刺激, 佢點會唔吠吖!
隻史納莎把聲又晌又尖, 我都怕怕, 個主人都好合作, 拖住佢好快咁離開現場; 不過波波又開始唔乖喇, 同隻poodle擦身而過嗰時, 佢又嚟撲同吠啦!
唉! 要點先可以避免? 根本出到街係無得避開其他狗狗, 更難防範點同嗰D aggressive嘅狗狗保持距離; 我依家有D明白點解波波同朋友嘅狗狗一齊唔會吠, 因為狗狗平靜, 就唔會引發波波情緒失控, 要大叫發洩出嚟!
怕咗佢係咁跳喇, 反正佢都跑咗好耐, 放番佢上車, 輪到豆豆啦!
豆豆係好易handle嘅, 拖住佢行係完全無問題, 只要佢行到唔肯行抱番起佢就好喇; 今日同佢行緊嘅時候, 工人姐姐突然好緊張話有放繩狗, 我一望, 嘩! 好大隻, 嚇得我快快放番佢上車, 由相反方向跑返歸!
又係放繩狗, 琴晚先睇咗又有放繩狗咬狗, 點解真係有咁多自私嘅人㗎!
放繩狗咬狗link:http://www.uwants.com/viewthread.php?tid=15275050&extra=page%3D1
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
