 |
| 多謝朋友A呢份生日禮物, 非常實用, 正!! |
今日一早帶波波落街, 依家好多時都分開兩次帶, 早上只帶波波, 晚上會3隻一齊行! 希望波波出多D街, 有多D練習, 有朝一日見到狗狗都唔吠, 咁我就安樂晒!
波波其實都有進步, 佢行得都好好, 見到小朋友都無吠, 直到遇到一個頑皮仔, 喺佢身邊尖叫起嚟, 佢吠咗一聲, 都係一聲就停咗喇; 真係好難避免到呢類事件, 都唔知D細路幾時會尖叫起嚟!
今早唔算好熱, 都有風, 行得都算舒服, 希望咁熱嘅天氣快D過去, 咁大家都唔駛咁辛苦啦!
下午帶咗豆b去睇醫生, 因為見到佢背脊有幾處地方都有D紅點, 我同佢噴過少少草本藥水, 又同佢浸過蘋果醋, 但都好似無用, 雖然睇落唔係好嚴重, 但最怕唔知係乜嘢問題, 又唔肯定果D係唔係敏感, 都係比醫生睇過先安心!
今日好似唔太熱, 我無用冰涼墊, 但用咗朋友A送比佢哋嘅生日禮物, 一把無扇葉嘅風扇; 我將佢綁咗落個狗袋裏面, 測試過效果真係好到不得了!
 |
| 豆b等緊睇醫生, 把風扇佢第一個受惠 :) |
H醫生幫豆B檢查完, 話唔係大問題, 基本上有內分泌問題嘅狗狗都會係咁, 尤其係松松! 佢話豆b油脂分泌比較多, 有少少細菌感染, 唔建議食抗生素, 亦唔建議用三條毛shampoo, 佢話除非見到佢變得非常嚴重, 皮膚又紅又腫又有膿, 咁就要食抗生素, 佢反而叫我試下買支神仙水幫佢噴吓, 唔會有傷害, 可能會幫到少少無咁紅!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
