 |
| 依家出街, 一定同波波掛番過名牌, 萬一走失都有我電話號碼, 多個機會搵番! 雖然我一定唔會比咁嘅事發生架! |
今日傍晚再帶波波出去, 又係落商場, 準備買少少嘢準備生日會; 我手抱住佢等電梯, 當電梯門打開, 見到有人抱住狗狗從電梯出嚟, 同我哋打個照面, 可能距離太近, 波波又大聲吠起嚟!
即係佢都未刻服到面對其他狗狗, 還幸對細路已經無再咁嘈喇; 如果呢樣佢一直keep得到, 我都好滿足, 始終大家養狗, 見到狗吠會比較包容, 如果嚇親人家嘅小朋友, 咁就唔好啦!
呢排波波同豆b好老友, 可能達達心情唔好, 佢無伴同佢玩, 就搵上豆b啦!
達達豬我真係無晒辦法, 同舊年一樣, 毛越少佢情緒越差, 如果話脫毛症對健康無影晌, 但我肯定會壞情緒; 可能內分泌問題都有影晌佢思維; 就好似婦女們一樣, 某D特定日子, 心情都欠佳!
呢排波波同豆b好老友, 可能達達心情唔好, 佢無伴同佢玩, 就搵上豆b啦!
達達豬我真係無晒辦法, 同舊年一樣, 毛越少佢情緒越差, 如果話脫毛症對健康無影晌, 但我肯定會壞情緒; 可能內分泌問題都有影晌佢思維; 就好似婦女們一樣, 某D特定日子, 心情都欠佳!
其實我都已經接受, 乜都做晒仲可以點? 不過當我睇到佢條尾仔變咗老鼠尾咁, 仍然好心噏; 眼睜睜睇住佢嘅毛毛一日少過一日, 又睇住佢一日比一日唔開心咁, 真係嘆句天意弄人!
點解要我面對兩次咁嘅事? 如果佢開開心心都仲好, 但最慘佢真係明顯唔開心!
我以前都有懷疑過係咪我嘅關係, 係我緊張對佢有壞影晌? 但我撫心自問, 我已經無舊年咁樣; 咁當然我都會諗要比佢食乜嘢, 不過試咗咁多都無幫助, 我都無再特別張羅, 都係平常心, 同其他兩隻豬一樣, 照常規咁過生活, 照常食嘢, 照常去街街!
豆b呢隻傻妹真係好攪嘢, 我近幾次同佢量體重, 佢都減咗磅, 明明無減佢糧食嘛, 咁為咗想keep番佢過往嘅體重, 就加少量麥皮; 我唔想再添加肉類喇, 佢依家食肉嘅份量已經係活躍狗狗嘅maximum啦, 呢隻豬食咗一星期, 即刻重到過晒界, 真係比佢玩死, 又要慢慢再調較番佢嘅食量!
3隻豬真係各有各嘅麻煩事, 各有各嘅難題; 不過我會一一面對, 唔會逃避困難 :)
我以前都有懷疑過係咪我嘅關係, 係我緊張對佢有壞影晌? 但我撫心自問, 我已經無舊年咁樣; 咁當然我都會諗要比佢食乜嘢, 不過試咗咁多都無幫助, 我都無再特別張羅, 都係平常心, 同其他兩隻豬一樣, 照常規咁過生活, 照常食嘢, 照常去街街!
豆b呢隻傻妹真係好攪嘢, 我近幾次同佢量體重, 佢都減咗磅, 明明無減佢糧食嘛, 咁為咗想keep番佢過往嘅體重, 就加少量麥皮; 我唔想再添加肉類喇, 佢依家食肉嘅份量已經係活躍狗狗嘅maximum啦, 呢隻豬食咗一星期, 即刻重到過晒界, 真係比佢玩死, 又要慢慢再調較番佢嘅食量!
3隻豬真係各有各嘅麻煩事, 各有各嘅難題; 不過我會一一面對, 唔會逃避困難 :)
 |
| 兩姐弟依家先友愛起嚟! |
 |
| 呢個玩法以前只會係波波同達達! |
 |
| 毛薄咗, 開冷氣唔著衫會打乞嗤 :( |
 |
| 好難得一見嘅笑臉! |
