 |
| 出吓去行個round都係開心嘅! |
天氣開始無咁熱喇, 同佢哋出去大家都舒服少少, 今日只係落樓下行咗一轉, 最衰自己晏咗起身!
我都係唔想接觸太多其他狗狗, 要社交同圍內狗狗玩吓算喇, 反正波波咁樣唔會吠, 又唔駛咁刺激啦; 我真係覺得好攰喇, 太堅持真係比我好大壓力, 但求佢出去嘅時候, 唔再吠小朋友, 我好心足啦！
睇咗好多資料, 話要先瞭解狗狗吠係想表達乜嘢, 如果係佢驚, 或者係佢唔鍾意接觸陌生狗狗, 咁唔可以強求, 要移除呢個導火線, 即係要將佢注意力轉移, 等佢唔好留意其他狗狗, 而唔係一定要佢接受!
咁算啦, 我都係諗錯咗, 人都唔一定會鍾意所有朋友; 都有人係好抗拒陌生人, 只要波波開心, 就由得佢唔好同其他狗狗交朋友啦, 我只希望佢唔好見親都吠, 唔好撲唔好整親!
佢唔鍾意比其他狗狗行近, 唔鍾意比其他狗狗聞, 我唔勉強佢喇, 都係盡量避開太多狗狗出去嘅時間啦!
今日收到達達同豆b嘅名牌喇, 真係做得幾靚, 我暫時都未見過比呢款更得我歡心!
明日一早可以掛住個名牌行街街喇, 希望星期日其他主人都會無咁早先起身啦:)
 |
| 個名牌同條胸帶櫬晒色架！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
