 |
| 相片連結 |
今日星期日, 個心掙扎緊好唔好同3隻豬仔出去, 擔心街上太多狗狗, 好難managed!
但諗起佢哋出去跑嗰個開心樣, 又唔想令佢哋失望, 望住佢哋輕輕問句, 去唔去街街呀?
佢哋完全知道我講緊咩嘅, 一聽就反應激烈, 幾隻豬又跳又叫, 兩頭咁衝; 見到佢哋咁開心, 好啦一於出去喇, 如果太多狗狗, 就到平台行一轉算啦!
一落到平台, 豆b就興奮到企咗起身喇, 我同佢哋先兜過去遊樂場度, 睇吓有無人; 如果無小朋友, 就爭取時間跑一陣, 因為嗰度兩旁都圍住, 放繩好安心!
為咗幾隻豬仔開心, 我都有違規例, 成日偷雞;P
不過我自律嘅, 一定要無人喺度, 仲會先放好尿片喺地下, 佢哋又明白唔會亂嚟; 我帶住佢哋跑咗一輪, 見到有小朋友嚟緊喇, 9秒9抱起佢哋返車仔, 唔好騷擾到人家啦!
望向街外今日陽光普照, 再同佢哋出去行多個圈啦; 真幸運我望到好遠都唔見有狗狗, 同工人姐姐快快手咁拖佢哋跑多轉啦; 今日達達好開心, 完全唔覺佢有心怯, 當然出去前我都有比花藥輔助, 希望佢每次出去都咁享受行得咁自然:)
行咗一輪見到兩隻poodle漸漸行近, 我怕波波會撲都係避開行向另一邊啦, 點知又見一隻大西摩嚟緊, 雖然佢有上繩, 但拖佢嗰個工人姐姐係咁講電話, 如果狗狗衝前我唔信佢會穩得住, 左右夾攻都有狗狗, 相信又到咗放狗嘅高峰時間喇, 佢哋今日行咗咁耐都應該盡興喇, 都係時間番屋企啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
