 |
| 相片連結 |
今日工人姐姐放假, 唔會去街街喇, 由得佢哋自己喺屋企玩吓啦; 其實呢幾日都無比佢哋出街行喇, 又凍又大風, 都係睇準無落雨, 比佢哋坐住車仔睇吓街街!
每逢天冷屋企都會舖番張地氈, 因為磚地真係幾凍架! 達達豬就正中下懷, 係咁跑呀跑; 見佢哋玩到熱晒, 就同佢哋除衫衫!
其實我一向都唔鍾意同狗狗著衫嘅, 以前我養安安樂樂4寶嗰時, 喺佢哋年青嘅時間, 係從來無著過衫！
深信狗狗會自動調節體溫保暖, 有毛毛根本無必要去著衫, 而且著住衫真係唔舒服嘛, 都係後期佢哋年紀老大, 新陳代謝減慢, 先開始同佢哋著衫!
但呢幾隻豬仔好似特別怕冷, 唔到我唔屈服; 豆b會凍到震晒, 虧佢有一身厚厚嘅毛毛; 達達豬就唔駛講喇, 依家毛毛咁薄, 唔著衫會打乞嗤啦, 波波算係最叻仔喇, 想唔到以前隻玻璃豬仔, 會強壯起嚟 :)
琴日徵詢Dr. H嘅意見, 關於加重褪黑激素嘅份量, 佢已經覆咗我喇, 可以加重少少, 都係within安全水平; 其實我係應該認命, 見到咁多有脫毛症嘅松松, 如果有方法醫好, 佢哋嘅主人點會唔堅持; 但我就係唔可以就咁放棄, 我真係要從新認識自己, 原來我都有幾頑強嘅鬥志 :)
係都要日日上網搵料, 偶然睇到外國有狗狗睇中醫, 服用薑黃素, 狗狗竟然生番毛毛; 可能呢個係個別例子, 但都係一個希望, 問過H醫生佢話呢隻無列入藥典內, 要食幾多就唔可以話到比我知; 不過佢無反對可以補充少少試一試, 我都知係唔可以over dosage!
http://www.tigertailfoods.com/health-matters-nov-10.php
搵咗好耐都搵唔到細劑量去比達達試, 達達得嗰1.6kg, 都打算放棄喇; 同朋友V講起, 佢就幫我好落力咁search; 真係好多謝V, 佢竟然幫我搵到隻滴劑, 咁達達有機會可以試喇, 更多謝佢為人為到底, 佢將會幫我從美國訂番嚟!
V話見到有脫毛症嗰D松松照片都好心酸呀, 希望達達豬有轉機啦!
衷心多謝V嘅幫忙, 我真係好運氣, 能夠認識到咁多好朋友, 精神上同實質都比我咁多支持!
做得嘅都做晒喇, 都係呢句啦, 希望在明天!
To assure optimal extraction of Turmeric's bioactive compounds, the rhizomes are hand-harvested when fully mature, are carefully processed and dried to retain their full color and aroma, and are then thoroughly extracted.
Ingredients: certified organic grain alcohol, distilled water & Turmeric extractives.
搵到另一篇資料, 又令我懷有更大希望!
薑黃素對改善掉髮可能有所幫助
有研究表明薑黃素(Curcumin)具有效抑制 TGF-beta(轉型生長因子β)的功效。 TGF-beta被稱為毛囊殺手。已有人體實驗數據顯示，口服薑黃素結合白藜蘆醇，能刺激年紀較大雄性禿患者之頭髮生長。 |
| 薑黃素 |
薑黃素的好處是除了下調發炎性細胞因子，轉型生長因子β，也有實驗指出薑黃素可能是第2型5α還原酶的抑制劑，5α還原酶負責將睪固酮轉化DHT。這個發現顯示口服薑黃素對頭髮生長是有幫助的，亦有保健和抗衰老的好處。一個 400毫克新型生物薑黃素膠囊，功能相當於2772mg的95％的薑黃素萃取物。
A cell-based system for screening hair growth-promoting agents.
Huh S, Lee J, Jung E, Kim SC, Kang JI, Lee J, Kim YW, Sung YK, Kang HK, Park D.
Biospectrum Life Science Institute, 101-701 SK Ventium, 522 Dangjung Dong, Gunpo City, 435-833, Gyeonggi-do, Republic of Korea.
摘要：
雄激素誘導的轉型生長因子β(TGF-β1)來自毛乳頭細胞(DPCs)，是一種在雄性禿掉髮中，誘導頭髮退化期與抑制頭髮生長。在這項研究中，細胞為基
礎的檢測系統是為了監測轉型生長因子-β1活性，然後用於評估活化的TGF-β1啟動子在人表皮角質形成細胞（HaCaT細胞）之影響。...然而，轉型
生長因子-β1的抑製劑，薑黃素，可降低轉型生長因子-β1的濃度。此外，芹菜素治療也顯著增加毛乳頭細胞和角質形成細胞。此外，在老鼠觸鬚毛囊器官培養
實驗，芹菜素刺激毛囊伸長。Biospectrum Life Science Institute, 101-701 SK Ventium, 522 Dangjung Dong, Gunpo City, 435-833, Gyeonggi-do, Republic of Korea.
來源：保髮堂原創 作者：佚名
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
