 |
| 朋友話”無毛咪無毛囉, 睇乜鬼醫生呀, 黐鬼線” :P |
琴日同朋友P傾談中, 談及到養寵物嘅觀點, 佢同我有不同見解, 大家意見有好大分岐, 可能以前我會相信佢嗰套觀念, 但時日過去, 我有好大改變!
朋友都有養狗狗, 但從唔會帶去睇獸醫, 佢認為動物生命力強, 堅信天生天養, 有病都會自己諗辦法, 唔理佢都會自己好番, 佢話佢狗狗有病, 幾日後又龍精虎猛, 如果係時候要走, 就順其自然!
 |
| 如果又無地氈又無床仔, 達達會好驚架! |
我相信每一個生命都有求生夲能, 有病會嘗試自己想辦法, 好似野貓野狗, 都識揾野草作食療, 朋友嘅狗狗係家中飼養, 真係好難相信, 有病會得”毆”到好番; 衹可以話佢狗狗生命力強, 免疫系統良好, 而有嘅都係小毛病, 可以自己打低細菌, 自己好番! 但真係唔可以一夲通書讀到老!
 |
| 任何地方都要鋪番張地氈, 細細張都ok喇! |
現今家中飼養嘅貓狗, 生活模式都同野生有好大改變, 食用方面都大不相同, 再者同人類一樣都受空氣污染所影響, 都一樣會罹患各種不同嘅奇難雜症, 以前人同狗狗都無咁多癌症出現啦!
佢唔同意我為狗狗做body check, 認為我係都要搵D病出嚟, 根夲唔知有病, 佢自己都會好!
 |
| 咁達達先會安心, 會有安全感! |
我諗真係好多人有呢個concept, 我唔會完全反對嘅, 因為有時自己有小小唔舒服, 真係瞓一覺, 休息吓就會好, 但祇限於小毛病, 如果真係有事, 點可能唔醫都會自動好番?做body check係想睇吓身體有無隱藏住大毛病, 尤其佢哋有唔舒服又唔識講, 動物容忍度又高, 佢辛苦都會死忍, 到發覺時可能藥石無靈啦!
養得佢哋當然要愛鍚, 我同意小毛病唔好依賴太多藥物, 加強免疫系統等佢哋自己打嬴, 但都要知道佢哋身體狀況, 所以我要比佢哋有定期body check.所有生物都一樣, 生存在世都希望有好嘅生活質數, 如果動物有病唔識講, 只可以忍受痛苦, 又因為佢哋忍得我哋又以為無事, 咁可以想像每日身體都唔舒服, 生活係幾咁可憐!
我唔係話無病都要搵D病出嚟, 係都要食葯先安樂, 但起碼我要知道狀況, 我要有選擇權; 如果真係有需要, 要藥物治療都要正視架, 總唔可以話怕有副作用, 就由得個病加劇, 由得佢哋自我滅亡卦!我當然希望佢哋生活健康, 無病無痛, 所以加強免疫系統等佢哋身體有抵抗力好重要, 希望佢哋有嘅都係小毛小病!
但有時並唔一定天從人願嘛, 好多環境因素, 先天後天, 甚至不明因素嘅影響, 都會令到佢哋患病, 我希望咁嘅時候就唔好逃避, 有需要藥物治療都要考慮, 大前題係保障到生活質素為先.
生命不在乎長短, 係我從以往得番嚟嘅經驗, 我希望每一日都活得好, 而唔好要佢哋強忍痛苦, 受病魔煎敖!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
