 |
| 比佢哋上床就好滿足喇 |
呢兩日無寫blog, 因為無咩特別情況, 天氣好就如常同佢哋落街行吓, 落雨就放晒佢哋上床; 因為呢兩樣都係佢哋嘅最愛!
近日集中替達達選購衣服, 仲買咗D四腳裝, 驚佢日後腳仔甩晒毛毛會好凍, 當日叻叻都係要著呢D嘅; 當個心比較接受事實, 就比較安定落嚟!
 |
| 著褲仔都好靚女吖 :) |
呢個神奇粉真係好神奇, 我唔係講佢嘅效用, 因為我仲未用過!
但睇到網上朋友都甘心等候, 又有狗主發出訊息, 請求有hold貨嘅朋友出讓, 用嚟救命咁交關; 再有個別香港嘅零售店舖, 貨都未到已經被訂購一空; 仲要係唔單香港有咁嘅情況, 網上見到台灣都缺貨好耐, 但好多人都願意等待, 唔通真係療效咁神奇?!
我有同總代理傾過, 問佢點解咁渴市唔入多D貨番嚟; 佢話呢隻補充品唔同其他, 研發者要自己一手一腳督導監工, 每事親力親為, 務求唔會出錯, 所以就做唔切; 因為佢唔係比條formula出去搵人做, 所以產量就唔多, 世界各地都供不應求喎; 佢話唔需要賣花讚花香, 叫我試吓就知龍與鳳; 仲話佢都唔敢擔保日後供應量係咪充足, 佢都想要多D, 但係控制唔到!
又攪到我滿懷希望, 希望神奇粉賜比達達神奇力量, 生番毛毛 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
