 |
| 波波落地行先啦 |
生活平平無奇, 如常運作, 當然我比往常忙咗好多, 因為好多嘢都要自己做番; 往時我只負責3隻豬嘅日常生活, 依家就連洗件衫都唔放心交比工人做喇 :(
話說琴日著咗件衫, 個袋黐住晒洗爛咗嘅面紙, 仲要黐埋一舊舊; 真係好奇怪姐姐燙衫都會唔發覺, 叫佢下次小心D啦, 洗衫前搜吓個袋, 佢話佢一向都係咁, started from day 1啦! 真係除咗O嘴, 仲想殺人 :)
算啦仲有兩個月, 我就忍忍忍, 咁唔適合大家, 都係應該各行各路喇, "三國演義"都有話, 合久必分啦!
今日如常帶3隻豬出去玩, 呢件係姐姐最開心嘅工作, 佢好快準備好晒啦, 唉!
 |
| 波波見到朋友仔喇, 扯住我係咁衝! |
都係一隻一隻咁行, 比較易於控制突如奇來嘅意外; 同波波行咗無耐, 迎面見到隻老朋友芝仔, 隻芝仔好興奮, 見到波波大聲咁吠, 佢主人拖住佢, 叫佢冷靜D先准佢行埋嚟!
喺咁情況下波波又點會唔吠吖!
 |
| 玩得好肉緊! |
對方主人叫我比佢哋接觸唔駛怕, 今次我睇到佢哋都做咗邀玩嘅姿勢, 即係前身爬低個pat pat翹高, 兩邊咁跳嚟跳去; 咁我由得佢哋玩一陣啦; 兩隻狗狗都好嘈呀, 大大聲吠, 街上路人都望晒過嚟, 好尷尬 :p 不過好彩好快收咗聲, 淨係撲嚟撲去啦!
 |
| 波波玩夠喇, 掉頭走, 隻芝仔仲想玩 :) |
見到佢哋表情唔係想打交, 我都放心嘅; 玩咗一陣又自然咁各走各路講拜拜, 大家向相反方向往前跑, 頭也不回!
動物真係有佢哋自己嘅一套語言, 有自己嘅表達方式架 :)跟住到豆b同達達, 都好乖咁行咗一陣, 到佢哋夠鐘食晚飯先至返歸!
 |
| 車上嘅係兩隻女女，即係波波行緊啦！ |
 |
| 對twins係車上，即係達達喺街上行！ |
 |
| 波波達達坐車車，豆b行緊喇！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
