 |
| 達達知道呢隻保健品會幫到佢, 所以笑得好甜 :) |
等呀等, 終於等到喇, 今日終於買到力量神奇粉!
本來未試過想先買一盒, 睇吓反應如何, 因為報告話有D狗狗會肚屙嘛, 但見到咁難先買得到, 一盒又確實好難見到效用, 唔想一開始就斷斷續續, 都係keep兩盒先啦!
神奇粉呀神奇粉, 請賜比達達神奇力量, 去打嬴呢場仗啦!!
 |
| 一臉疑惑嘅達達! |
 |
| 真係有用? |
 |
| 好啦, 我會乖乖咁食喇! |
今日天氣都好差, 天陰又落雨, 我唔同佢哋出去喇; 放咗波波同達達上床, 等佢哋玩餐飽啦!
 |
| 相片連結 |
唔知依家係咪牛蜱活躍嘅季節, 身邊狗友嘅狗狗有3隻都有牛蜱上身; 佢哋都有滴咗藥架, 又一例証加強咗我一貫嘅做法, 唔會同3隻豬仔滴呢D藥啦! 不過我唔反對亦都有做嘅, 就係噴灑一D純天然草本去預防吓!
我寧願每次去完街番嚟, 都同佢哋小心檢查毛髮, 反正都要抹手抹腳, 唔差在做仔細D啦; 即使有牛蜱上身都唔駛怕, 第一時間移除咗就無問題啦! 不過當然狗狗要免疫系統良好先抵抗到牛蜱嘅病毒, 所以增強佢哋免疫系統當然比落毒藥好啦!
有朋友話滴咗藥都中招, 我覺得佢哋係太依賴藥物喇, 好多人覺得滴咗藥就無事, 反而會掉以輕心; 狗狗去完街唔習慣檢查吓, 咁就容易中招啦!
基本上如果牛蜱唔係好大數量上咗狗狗身上, 而又移除及時, 係唔會夠時間聚積大量毒素, 所以愛狗狗就唔可以懶, 去完街一定要做檢查!
朋友問我依家唔返工會唔會悶, 我湊住呢3隻豬仔, 真係週身都唔得閒啦, 連悶都無時間 😀
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
