 |
| 天氣凍咗多咗鼻水喇 :( |
達達豬呢個脫毛症X, 真係令我寫個服字, 試咗咁多隻不同補品, 都係停留喺相同階段, 就係嘗試再嘗試!
上次同3隻豬去例行驗血檢查, 我都無再提起呢個症狀喇, 反正又開始試神奇粉, 就繼續去嘗試啦!
同波波洗牙嗰日, H醫生突然提起達達, 話想加重少少甲狀腺藥嘅份量, 當然要驗血monitor住唔可以超出個正常range; 由於初試加藥, 唔可以半年先番去驗血喇, 3星期後要同達達驗多次, 睇吓接受情況係點, 睇吓有無over range!
OK, 反正達達食咗藥數據都唔高, 加藥係希望比到新刺激佢身體, keep住喺正常範圍略高位內, 咁試一試啦 !
關於褪黑激素, 達達依家係食緊一個好低嘅劑量, 去年有效, 今年就無動於中,我開始考慮要唔要都加重; 我搵咗D資料同Hsiang醫生一同研究, 佢無好草率咁答覆我, 要睇下資料先決定是否可行！因為脫毛症X係一個無正方嘅病症, 而褪黑激素又無準確數據去支持動物服用, 要睇過可以食幾多份量, 唔可以過重; 當然希望加咗藥有效, 但大前題都係要安全!
多謝Hsiang醫生咁小心謹慎, 更多謝佢對達達情況咁上心!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
