 |
| 坐緊電梯落樓 |
今日下午又同3隻豬仔出去! 喺屋企覺得有D涼, 兩隻女都有鼻水, 同佢哋著番件衫啦; 豆b一直都怕凍嘅, 達達毛毛又薄到見晒肉, 都怕冷親!
點知落到樓下又好似另一個世界, 唔止無風, 仲有陽光, 即刻同佢哋除衫, 等佢哋曬吓太陽喇!
都係一隻行完到一隻, 因為呢個唔係午飯時間, 有可能好多狗狗出去行!
 |
| 豬豆今日好興奮 :) |
 |
| 兩隻女心急到坐唔定 |
 |
| 睇得出佢哋去街街好開心 |
比波波先行兩轉, 跟住到豆b, 因為呢隻女今日好興奮, 由踏出門口就嘈住要落地, 怕咗佢比佢行第二啦!
達達好斯文, 好乖咁行第3轉, 我由得佢慢慢帶住我行, 點知行咗無耐, 又遇到放繩狗喇, 係3隻poodle!
本來我唔會驚貴婦狗嘛, 但佢哋性格真係比較aggressive, 3隻狗一見達達好似旋風咁衝過嚟, 從不同方向包圍住達達，我即刻收咗達達喺兩腿之間, 呢個係朋友K教我嘅方法, 一來保護達達, 二來等幾隻小鬼唔敢亂攪; 但呢幾隻poodle真係好爛玩, 團團轉圍住我哋跳嚟跳去, 真係麻煩!
眼見都無可能比達達行埋呢個round喇, 將佢抱番上車仔向前行啦, 點知呢幾隻狗狗仲要繼續玩呀, 係咁追住車仔又撲又跳, 真係想甩身都難！
3隻豬仔喺車入面又撲埋一份, 喺度兩頭咁轉嘈到我暈; 可恨呢幾隻狗狗嘅主人, 完全置身事外咁:(
我見佢一個人坐低喺好遠嘅凳, 既無意思喚回自己嘅狗狗, 又唔覺麻煩到人!
唉! 真係好無奈, 我附近咁多放繩狗, 點解有咁多呢D主人???
係咪要強逼教育, 強制立法? 唔係私人地方, 公園或指定放狗地點, 規定要上繩先得, 唔係就要受罸?
其實我屋苑嘅壁報板, 都貼有好大張海報, 請大家自律, 外出時要拖好狗狗; 可惜真係有好多自私嘅人唔會為他人諗吓, 我唔想咁黑心話希望有一日, 佢哋從不幸中領悟到佢哋有幾唔啱, 因為咁即係狗狗做咗代罪羔羊喇!
一個自由社會, 互相尊重幾咁好, 點解一定要破壞和諧!!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
