 |
| 相片連結 |
今早好似天陰陰, 以為會落雨喇, 諗住無得去街街!
點知到咗下午, 竟然有陽光, 快快帶3隻豬出去喇, 唔想剝削咗佢哋嘅歡樂時光!
今日佢哋都跑得好開心, 波波有吠咗一次狗狗, 算喇, 唔太過份慢慢教啦; 依家又再喺屋企做友善訓練, 先誘導佢專注力, 要望住我先, 習慣咗出街就比較方便喇, 真係要比D耐性慢慢嚟; 波波喺屋企專注力唔錯嘅, 希望假以時日會成功啦!
其實有時都好有挫敗感, 好想放棄; 但又想佢哋做隻有教養嘅狗狗, 咁難都要再試吓啦:)
今日同達達行緊嘅時候, 遇到一個大哥哥, 佢係咁跟住我哋, 一路行一路話達達好得意, 好似個公仔; 佢話想摸吓達達豬喎, 我話唔好呀, 佢會驚!
 |
| 就係背後呢個大哥哥覺得達達好可愛 :) |
點知呢個哥哥真係好耐性, 佢問我點樣達達先唔驚; 咁有商有量我都唔介意比佢試吓嘅, 我叫佢慢慢蹲低身喺達達旁邊先, 唔好郁住, 跟住伸手出嚟, 但唔好摸, 等達達反應; 我話如果狗狗聞你, 你可以輕輕咁摸; 呢個哥哥好合作, 完全照我指示去做; 達達豬無驚, 肯比佢摸, 哥哥都好溫柔對達達, 跟住哥哥想同達達影張相, 達達都好乖, 企定定望住哥哥!
 |
| 哥哥丟低手中個袋, 要同達達豬影相 ! 睇得出達達豬好合作, 唔驚 :) |
我都好開心, 自己嘅寶貝咁可愛, 當然唔介意比人摸吓嘅, 但大前題係唔可以嚇親佢, 唔好令佢有hard feelings 啦！
如果每一個人都好似呢個哥哥咁識互相尊重, 咁就天下太平喇!
真係唔好睇少一隻狗狗嘅魔力, 會令一個大男人甘於屈膝, 哈哈哈.....
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
