 |
| 今年要有進步呀 :) |
時間真係過得好快, 咁又到咗2013年, 3隻豬仔同大家講句新年快樂, 祝願大家過得一年比一年好!
我自己嘅願望就每年都一樣, 祇希望個個都身體健康!
今日一早起身如常餵3隻豬仔食早餐, 波波聞吓就走咗去, 我最怕就係狗狗唔肯食, 唔好新年流流咁同我玩啦!
一餐半餐唔食睇定吓先, 好彩中午佢肯食番午飯喇; 不過唔係好精神, 成日瞓, 係天氣凍還是有其他呢?
達達豬嘅issue, 神奇粉用到2月尾就足夠3個月, 加咗量嘅melatonin同甲狀腺藥, 同埋所有輔助品用到3月, 就可以揭盅到底係有無用! 我且耐心等候,有無奇蹟誕生!!
呢場仗要堅持幾耐?幾時我先可以見到曙光來臨?
如果....命運能選擇 :)
如果無得選擇回復舊觀, 就比達達豬選擇加入當紅狗狗, 阿BOO同俊介嘅行列, 換個新型像啦!
新年應該有新希望, 唔可以洩氣嘅, 仲有時間, 唔好失望 :)
近來都好似主力講達達, 少咗提起對twins, 咁係好事, 即係佢哋身體健康!
今日提隻波波豬, 就係要人擔心, 多多事幹 :(
新嘅一年, 對佢哋食嘅supplements又要做個回顧!
波波上次驗血, 一切都好, BUN又調較番正常讀數, 肝腎都無問題, 同以前比較過, 讀數差不多, 係好穩定, 咁係好嘅result; 都無咩擔心喇!
佢食嘅supplements都有一段頗長時間喇, 咁繼續食都OK; 波波依家每日都食vetri disc, 保住條腰骨仔, OPC同immunity就間開食, 當然魚油同kelp都唔少得啦!
 |
| 波波只會主動去搵達達坐埋一齊! |
豆b驗血雖然都係於正常range內, 但多個項目都偏向低位, 又見佢面仔嘅毛毛白得好快!
佢哋3個都食同樣食物, 點解豆b好似衰老得較快,唔通佢吸收較差?
豆b依家食嘅supplements除咗魚油同kelp, 仲有 immunity 同joints, 同埋紫錐花, 係咪有需要改動吓? 紫錐花我會keep, 因為真係乞嗤少咗, 好唔好out咗immunity, 都比鹿茸豆b試吓?
養呢幾隻豬, 諗佢哋要食咩好, 真係頭髮都白晒 :(
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
