新姐姐嚟咗之後, 我要由早到晚不停咁講, 不停咁做; 每樣嘢都要示範一次, 每日我又要煮又要去街市, 真係好忙好忙!
之前嘅姐姐認路比較叻, 帶一次就識自己去, 呢個姐姐認路就好似我咁C, 帶咗三次要佢帶我搵番個街市出嚟, 佢就帶我遊花園 :(
希望佢快D認到路啦, 日日係咁我真係死死!
唔知呢個姐姐係咪特別等錢使, 佢嚟咗幾日就問我對佢工作滿唔滿意, 我答佢OK啦, 慢慢學; 點知佢話如果我滿意佢嘅performance可以增加佢嘅salary, 我一聽真係O晒嘴!
講真依家樣樣帶住佢, 煮餸係我煮, 佢只係企喺旁邊睇住, 清潔我做示範, 佢只要跟住指示, 咁梗係OK啦, 日後可唔可以自己manage, 都係未知之數, 做咗幾日就同我咁講, 真係咩都敢死!
我都話我無工人運 :( 嚟咗一個成日講錢嘅姐姐, 朋友話佢係試緊我嘅底線, 仲叫我要萬事小心; 要收好D貴重物品!乜請個工人都咁複雜架, 要我咁樣防範, 真係無乜可能; 我從來未試過對姐姐有過懷疑, 亦從未check過佢哋嘅袋架, 即使佢哋完約離開, 我都係咩都無check; 在我嚟講疑人莫用, 住喺同一屋簷下, 要我防賊咁防, 好似唔係好應該; 但姐姐咁快叫我加人工, 的確比咗我一個負面嘅印象!
希望佢只係搵錢心切, 先口出狂言啦! 一開始我仲鬼咁開心, 以為今次咁好運, 終於都搵到個好姐姐, 但一星期落嚟結果係咁, 死啦我真係有D擔心 :(
每日都咁忙, 連班豬仔去街都受影響, 希望呢個只係過渡期, 好快一切會回復正常啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
