 |
| 好耐無放裸體照喇, 依家好過之前少少, 就比個裸體同大家見下面 :) |
繼續用神奇水幫達達噴皮膚, 按摩吹乾, 每日做嘅指定動作! 達達皮膚無再紅紅一片, 好咗好多; 今日我特別放佢喺塊白色布上面噴神奇水, 然後梳毛, 想睇清楚佢嘅黑皮膚有無改善; 真係好清楚見到有黑色好似頭皮屑嘅沉著物跌出嚟, 雖然係好少好少,但都叫做有D反應, 鼓勵我繼續咁做!
至於生毛與否, 都係未知之數, 但可以保住佢嘅皮膚向健康邁步, 唔紅無異味, 我都好滿足!
 |
| 都清楚見到有黑色素沉澱物跌出嚟! |
 |
| 剪短咗毛毛嘅背脊,皮膚色素係暗咗, 但少咗黑色沉澱物! |
上次提及有隻松松TT都有脫毛症, 佢主人話狗狗食咗黑酵毋係有好嘅反應, 係有生咗D細毛, 叫我不妨比達達試吓, 不過佢都買咗神奇粉比狗狗食, 做過比較, 睇吓邊隻較好!
不過我仲有神奇粉, 如果食完3個月達達都係無反應, 我會改呢隻試用, 另外加咗量嘅melatonin再食多一個月, 再無療效我都會停!
做就盡量去做啦, 睇吓會唔會有好成績!
 |
| 胸口皮毛薄到見皮膚, 條頸就光禿禿, 不過影唔到, 係唔想影, 唔想面對現實 😖 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
