 |
| 繫上紅絲帶, 支持成立動物警察 相片連結 |
琴晚真係好好瞓, 一來忙咗一整日, 二來新工人姐姐睇落唔差, 放低咗一件心事喇!
今日一早起身, 姐姐好自覺咁清潔緊, 雖然唔係十全十美, 但第二日可以做到咁, 我都比佢80分; 煮食方面當然要慢慢教, 每個家庭食用唔同, 佢又未喺香港做過, 我無預佢可以自己識煮中國餐!
教! 我係唔介意去教, 肯學記住我已經好滿足; 姐姐話佢好開心有我呢個僱主, 佢好感恩, 希望我一直都係咁; 我同佢講每樣嘢都係相向架, 你好我好呢個係正常啦 :)
佢希望我態度唔會變差, 我又何嘗唔係咁諗, 我都希望做耐咗佢唔會越做越差啦!
 |
| 新姐姐成日笑架 :) |
今日終於有時間同3隻豬仔去街街喇, 天氣咁好真係唔好徙:)
同新姐姐一齊出去, 佢好興奮呀, 笑得好開心!!
3隻豬仔幾日無出去, 都博命咁跑, 連我心情都好埋, 加上新姐姐成日笑容滿面, 連日嚟嘅陰霾散晒!
今日係紅絲帶日, 等我都同3隻豬仔繫上紅絲帶, 支持成立動物警察; 希望有阻嚇作用, 以後見唔到再有虐待動物事件啦!
每次見到D動物被虐待都好心痛, 點解唔可以公平對待, 我同意你可以唔愛, 但唔可以殘酷傷害啦!
同達達噴咗幾次神奇水, 感覺唔錯, 皮膚無再紅, D毛都無噠埋晒; 買嘅時候店主都有同我講, 神奇水唔係for生毛用, 我都只係想保住達達皮膚唔紅唔腫, 唔會磨損感染發炎, 仲有希望幫到去除黑皮膚!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
