同達達噴咗兩次神奇水喇, 相信唔會幫到生毛, 但希望會幫到佢皮膚比較健康; 紅咗嘅皮膚明顯見到有改善, 我希望黑咗嘅皮膚都會有好轉啦!
睇到某D報導, 呢種黑色素沉著係霉菌嘅一種, 所以要用有殺菌作用嘅洗毛水先可以, 我一直用緊嘅dermagic都係有天然殺菌作用, 近期買嘅Emu shampoo都同樣有茶樹油等等天然成份, 點解都唔可以阻止發霉？
如果唔清咗呢D霉菌, 相信都好難生番毛毛喇, 希望今次用神奇水真係有呢種神奇威力, 可以幫到忙!
今日真係攰到死, 由早上七點起身, 教工人姐姐一直忙於做示範, 由簡單清潔到煮飯洗衫, 講到口水都乾埋; 當然唔可以一日就要佢清楚晒, 希望帶多佢幾日佢會自己識執生啦!
呢排又瞓得唔好, 晚晚都諗點去幫達達, 越諗越眼光光瞓唔著, 精神方面都好疲累, 再經過今日體力勞動, 身心俱疲, 希望今晚會瞓得番一個好覺!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
