 |
| 準備好去街街喇！ |
達達皮膚好似無咁紅喇, 都唔知係咪搽Emu Oil嘅關係, 佢有敏感? 不過我測試過, 同佢搽背部係無問題, 最紅都係條頸仔, 可能係磨擦到嘅關係!
阿女話會唔會天氣太乾, 佢皮膚又乾燥呀? 我真係唔知, 但我唔敢再同佢搽D頸位同易敏感嘅部位; 又可能我太勤力, 一日3次太多, 仲要按摩得咁仔細, 有時真係好心做壞事, 太急進有反效果啦!
琴日開始一日一次, 唔敢再按摩, 只輕輕搽完等皮膚吸收咗就算喇, 欲速不達, 反為不美啦!
不過50ml嘅一樽油真係好少, 2星期就無晒, 我又唔想半途而廢, 要用上3個月, 又唔知效果如何, 又唔知場仗要打幾耐, 都幾貴啊; 又要多得V嘅幫忙, 一次又一次咁幫我; 再幫我從美國訂番嚟, 慳咗我唔少使費; 無論達達將來可唔可以好番, 大家對我嘅鼓勵同無條件嘅幫助, 我將銘記於心, 永誌不忘!
今日帶埋達達豬出去拎支油, 要佢親身多謝V嘅幫助嘛! V帶咗我哋上去一個平台, 係一個安全嘅地方, 咁我可以放低隻豬女自由行!
隻豬女去到一個新嘅地方, 有D緊張; 但佢實在太鍾意出外喇, 都鼓起勇氣兩頭跑, 行到好似玩障礙賽:)
見到佢咁enjoyed, 我都好開心呀, 希望天氣繼續良好, 咁佢哋可以去多D街啦!
 |
| 初初都有D緊張! 行咗一陣比較放鬆喇! |
 |
| 鍾意點行都得, 好自得其樂! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
