 |
| 點解咁弱不禁風架, 無理由咁孱喎! |
工人姐姐留低嘅日子, 進入倒數喇; 新工人接續都有空窗位, 預計呢段日子會較忙, 其實教一個新人仲慘過自己做, 相信大家喺不同崗位都試過, 情願自己做番; 不過長遠計, 當然希望新姐姐pick up得快, 肯學肯做, 咁我就無麻煩!
預咗新姐姐嚟到我仲忙, 又年近歲晚, 一個家點都有D嘢要攪攪 :)
櫬住呢個姐姐仲喺度, 琴日鼠出去買少少嘢, 都係來去匆匆,實在都唔太放心留佢一個喺屋企, 因為佢仲未有新工作, 已經失魂落魄 :(
是但買咗D裝飾品, 少量海味雜貨, 就趕住返家行!
一番到屋企, 衫都未換, 就服侍3隻豬仔食午餐, 轉個身換好衫出嚟, 就見波波嘔喇, 嘔清晒啱啱食嘅嘢, 呢個仔幾時又變番咁孱?
我見呢兩日天氣回暖, 就無同佢著衫啦, 反正佢唔鍾意嘛! 上次都係同佢除咗衫佢就嘔, 今次又一樣, 網上話有甲狀腺低下嘅狗狗較為怕冷, 試過兩次都撞板, 真係唔到我唔妥協, 以後天冷都係要同佢哋齊齊著衫!
唔比佢食嘢喇, 等佢個胃休息吓; 到咗晚上開咗罐藥膳腸胃湯比佢飲, 好彩今日正常番!
希望3隻豬仔要爭氣, 唔好再增添我負擔啦, 喺依家咁嘅時間, 如果病咗就好麻煩!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
