 |
| 鋪咗暖墊落車仔, 好暖 :) 相片連結 |
今日天氣唔錯, 又同3隻豬仔去街街!
波波行第一個, 遠處已經望到佢老友隻芝仔行緊嚟, 波波好緊張呀!
隻芝仔越行越近, 見到波波係咁衝前, 佢好激呀; 兩隻傻狗相遇, 好似火星撞地球咁, 嘈到拆天, 真係怕咗佢哋!
 |
| 火星撞地球, 好激呀! |
今日唔係往常嗰位先生放隻芝仔, 係一個哥哥, 佢話今日爸爸唔得閒; 但佢無見慣呢兩隻傻狗嘅玩法, 有D驚,死扯住隻芝仔, 隻芝仔撲得仲慘; 咁都難怪嘅, 未見識過佢哋點玩, 真係得人驚袈, 好似想打交咁, 點敢比佢哋玩吖!
 |
| 又驚又跟住, 狗狗諗咩呢? |
跟住我拖走波波, 又遇到隻約瑟, 波波又開始大叫; 我都唔知佢想表達咩嘢, 但隻約瑟好似怕咗佢, 縮喺主人後面; 波波見狗狗咁嘅反應, 好似無晒興趣, 自己轉身向前行; 隻約瑟反應又好奇怪, 係咁跟住波波, 但波波無再理佢!
唔通波波係鍾意好似芝仔嗰種性格, 要同佢一樣, 要撲嚟撲去, 玩得轟轟烈烈先至啱 :)
波波行完就到兩個女, 佢哋都行得唔錯, 豆b今日唔懶, 跑得好開心; 達達喺熟識嘅地方, 比較放鬆, 不過都係行到頭耷耷咁樣 :)
行完街街上番平台再比佢哋跑一轉, 我鋪咗塊尿片喺地下, 等佢哋尿尿咗先啦!
佢哋今日好乖好抵錫, 因為我鋪咗塊暖墊係車仔, 佢哋好合作無尿尿喺上面, 好似知道嗰張唔係尿片 :)
跑完番屋企, 食完晚飯瞓咗喇, 瞓得好熟好舒服咁添 :)
 | |
| 佢哋喺呢度真係好開心, 攪到我知法犯法, 好慚愧 :( |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
