 |
| 相片連結 |
今日覺得好凍, 同3隻豬仔換番件厚衫仔, 松松氣管較弱, 唔好冷親條頸!
今次係第一次買樽領衫, 松松胸前一大把毛毛, 從無諗過自己會選呢種款, 但舊年豆b病咗好耐, 氣管好麻煩; 舊年都要同佢圍住頸巾, 無咁方便, 今次試吓著樽領, 睇吓啱唔啱啦, 保護到氣管就得喇!
達達頸仔先圍咗絲巾先, 怕佢磨傷嘛, 兩隻女都無抗拒著呢個款嘅衫; 但波波就比較煩, 要佢著衫已經好慘, 佢著住樽領好唔自在, 唯有同佢除番啦!
今日都無去街, 又比工人姐姐出去搵agent, 對佢自問情至義盡喇, 希望好來好去, 唔好有麻煩!
自己一拖3出去係無可能, 今日又係週末, 應該會比較多狗狗, 都係唔好出去喇!
波波同豆b唔去街就好懶, 成日無哩精神, 一日掛住瞓; 反而達達佢分得好清楚, 上床係瞓覺, 相反佢會兩頭行; 依家鋪咗地氈佢無咁慘, 可以行吓跑吓喇, 都幾開心!
我就影低佢哋嘅生活相, 睇相先發覺, 對twins毛毛好醜樣, 又亂又長; 要暖D先攪喇, 沖涼冷親仲攞命, 我依家好唔得閒嘛!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
