今日係無工人姐姐嘅第一日, 感覺好唔同, 同佢放假唔一樣, 成屋靜晒; 可能係心理因素影響啦, 知道佢唔會再番嚟, 總係有D若有所失嘅感覺!
阿女話我過份感情用事, 對一個一直徘徊喺想炒與唔炒之間嘅工人, 好極都有限啦; 問我係咪唔記得晒佢之前激到我要吊頸, 又黑口黑面嘅樣? 幾日前仲慶幸緊好彩大家都無意續約, 點解佢走咗會咁惆悵? 阿女話人一走茶就涼, 點解我咁大個人都睇唔透, 咁唔習慣就坐低慢慢諗番啦 :)
我都知我嘅性格好麻煩, 過去咗嘅事只會記住好嗰方面, 唔開心嘅一早就唔記得晒啦!
其實我覺得呢D都係人嘅通病, 失去咗總係好嘅, 總係忘記咗要珍惜目前所有, 珍惜眼前人!
今日自己打理番日常家務, 又唔係好難, 畢竟人口簡單, 幾隻豬仔嘅日常生活一直都係我打理慣; 都有時間上網睇吓有咩嘢仲可以幫達達!
其實我已經無之前咁積極喇, 都95%接受咗達達唔會好番, 做開嘅就繼續去做啦, 反正又唔係好艱難!
最近喺fb見到有另一隻松松TT同達達一模一樣, 傾談間知道都係甲狀腺低下, 但補充番甲狀腺素毛都係唔生; 以前無咁留意, 原來松松有脫毛症都為數唔少, 網上所見話可以有辦法從新長出毛毛可能都係第一次披毛脫下, 我諗再復發生番毛毛嘅機會率就好差!
我睇到一篇報導, 換咗以前我會眼前一亮, 懷住滿腔希望去等待有好成績, 但今時今日我好似無晒感覺, 好似個機械人咁, 定時定候就做要做嘅事, 餵保充品, 按摩搽油等等; 我已經無再希望會有突破, 咁係好事嗎???
http://www.pomeranianplace.com/success-with-emu-oil-alopecia-black-skin-disease.html
成功與鴯鶓油：脫毛，“黑皮膚疾病”
用放射免疫法奧特羅
（聖地亞哥San Diego，CA，USA）
我真的想分享我的成功故事與其他POM主人。我的雄性博美犬在6歲時開始失去他部份的毛髮。他的皮膚雖然未變成了黑色，但它肯定變暗。他的後面已經失去了大部分的毛髮。在他的背上他的尾部其餘的地方,皮膚幾乎完全裸露，成為片狀及乾燥。他背部缺少的毛髮看起來好像他要失去更多的。他剩餘少量的毛髮，已經又幼又脆。他的弟弟（同窩）沒有脫髮。他的毛髮豐厚和健康。
我看網上鴯鶓油已經幫助一些POM主人與他們的寵物的皮毛。反正我已經嘗試了一切，所以我想這是值得一試。它真的有效！ 這有可能只是一個自然恢復的情況下，但是，我認為這是鴯鶓油在幫助他。我一直在為他洗澡，鴯鶓油洗髮水和噴他補充鴯鶓油噴一下，每週一次。他的背部皮膚上（在他的尾巴）改善後，短短3個沐浴，已見到改善, 現在它已經完全長出來。我一直給他在使用鴯鶓油, 現在已6個月,在他的後腿已經完全長出毛髮來，以及他的上背部和肩膀上。他的毛髮繼續增長，儘管速度緩慢。他的新毛是令人難以置信的柔軟，簡直就像當他還是一隻小狗似的。對他的恢復我很高興，急切等待他的披毛恢復昔日的輝煌。 =）
我在Amazon.com購買鴯鶓油產品Kalaya鴯鶓產品。這是價格便宜，所以它是絕對值得您嘗試。也有很多其他品牌的，我敢肯定會產生同樣的結果！我希望這篇文章幫助！
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
