 |
| 相片連結 |
一連兩日都忙, 今日成日都唔得閒上網 :(
工人姐姐後日就走喇, 要睇吓有乜嘢自己未攪清楚!
一早睇過天文台報告, 琴日係本週最暖嘅一日, 等咗咁耐梗係要同佢哋沖番個涼啦, 對twins嘅毛毛又長又亂, 都係時候要修吓喇, 都係自己嚟修少少啦 :)
 |
| 好鍾意把彎剪，剪得個pat pat 位好圓 :) |
講起真係要多謝A幫我買咗套較剪, 有咗佢真係幫咗我好多, 雖然同職業美容師無得比較, 但真係好方便, 又慳番好多添 :)
其實我可以剪得好D嘅, 但對twins超唔合作, 係都唔肯企好, 成日要坐低 :(
我又要托起個身, 又要睇位, 真係超難!
真係顧得頭又顧唔得髻, 又要就住力度, 攪到手指都抽筋咗幾次, 講出嚟都笑死人 :p
不過都算齊整咗少少啦, 等過年前再剪一次, 希望到時佢哋會合作,可以再修好D!
今日餵咗佢哋食早餐, 一路都無停過, 屋企細細但雜物多多; 怕咗姐姐走後我乜都搵唔到, 要自己從頭再arrange過; 起碼搵唔到嘅嘢依家都仲可以問個清楚!
好慶幸有3 隻豬仔, 佢哋互相作伴, 可以我有我忙, 佢哋都自得其樂, 吵吵鬧鬧咁過!
達達雖然毛就越甩越光, 但無損佢嘅快樂, 佢都仲肯一齊玩:)
達達性格係有D改變, 佢以前唔會叫我哋, 引我哋注意; 依家明顯同我哋親近咗, 咁都比咗我一個安慰嘅補償; 佢皮膚已經有多處黑色素沉澱, 相信今次唔會復原喇;不過反正都買咗咁多補充品, 就繼續試多幾個月啦!
呢幾日都抽唔到時間同3隻豬出街, 夜晚又涼咗, 唔敢帶兩隻女出去喇; 但波波咁耐唔出去明顯情緒唔好,會匿埋; 連續三晚食完晚飯我都帶佢出去行一轉, 等佢跑下釋放咗D負能量, 怕咗佢喇!
隻仔都係好麻煩, 見親細路都吠, 我都避開D狗狗, 但避唔到D細路仔啦 :(
不過佢出完街係開心咗嘅, 日間會同兩隻女玩吓, 仲會賽跑添:D
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
