 |
| 爛瞓豬仔，日瞓夜瞓 :) |
今日同網友KA談及比狗狗食魚油嘅問題, 我覺得值得同大家研究吓, 因為餵魚油真係好普遍, 而事實上魚油對健康又好處多多; 可以幫助視力, 關節, 心臟, 腎臟及癌症等等有關疾病; 但大家又有無關心過用量同成份?
魚油有好多牌子, 好多不同成份, 有純魚油, 亦有植物來源嘅如亞麻籽油, 橄欖油等等; 不過對狗狗最好嘅, 應該係含豐富EPA/DHA嘅深海魚油.
日常生活中嘅食物, 無論係動物或植物都含有一定嘅脂肪, 不論屬於邊類, 喺結構上都係由脂肪酸同甘油物質所構成嘅, 一般可區分為飽和脂肪酸及多元不飽和脂肪酸兩大類.
Omega-3脂肪酸與Omega-6 都係身體必需嘅多元不飽和脂肪酸, 但兩者都無法由身體製造, 必須從飲食中攝取. 但攝取過多Omega-6脂肪酸又會導致好多病變嘅產生, 如癌症!
Omega-3就可以平衡身體對Omega-6嘅吸收, 防止過多Omega-6 嘅威脅.
Omega-3 同 Omega-6 嘅最佳食用比例係 2-5(Omega-6) : 1(Omega-3)
因為一般都會從食物中吸收到過多嘅Omega-6, 所以揀魚油就著重於Omega-3用嚟平衡喇!
但又唔係Omega-3食得越多越好, 所有嘢都係適可而止啦, 因為太多都會影晌到凝血功能, 而且狗狗可能有軟便產生!
今日無同3隻豬仔去街, 佢哋都掛住瞓覺, 咁都有益身體嘅; 我就有多D時間, 上網搵資料, 同大家分享吓!
文章建議一般保健, 小型狗每週2次食250mg就夠, 如果有特別需求, 最多可以每週3次食500mg, 但大家要睇清楚, 呢D係講緊EPA/DHA嘅用量, 唔係成粒魚油丸嘅分析含量呀!雖然係咁, 我達達豬皮毛咁差, 我都無比佢食咁高份量, 足夠就好喇!
佢建議大家咁計數, 將體重磅數X20, 如果狗狗係15磅, 20mg/lb 即係要每日服用300mg嘅Omega-3(EPA+DHA), 如此類推!
另外亦要留心Vitamin E 喺魚油中嘅含量, 有D混入咗Vitamin E 嘅產品, 比建議攝取量高出十數倍, 即使再好嘅產品, 過量服用都會引起非常嚴重嘅問題, 大家都要小心！
 |
| 每朝餵完佢哋食早餐， 都會抱２隻豬上床陪我再瞓多一陣 :) |
 |
| 豆ｂ就無得上床喇，佢會尿尿，兩隻豬又會唔開心！ |
FYI, 可以睇吓下面嘅link
http://www.ehow.com/facts_5007399_recommended-dosage-omega-3-dogs_.html
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
