 |
| 雖然毛毛好薄，但皮膚真係好咗 ：） |
琴晚再同達達搽emu oil但改變咗方法, 以前我每日用就薄薄咁搽上去, 然後慢慢按摩等佢吸收; 但琴晚就厚厚咁搽上去, 跟住著件cotton衫仔, 等佢停留一整夜, 然後瞓覺!今早食過早餐, 等佢休息3小時後, 用emu oil shampoo同佢沖涼, 我慢慢同佢搓揉, 真係見到有D黑色素走咗出嚟喎, 雖然係好少好少, 好似頭皮屑咁十多片, 但都係有改進啦; 再者用咗幾日神奇水, 我覺得好唔錯, 其他方面唔太明顯, 但有兩樣就不可不提!
 |
| 攪咁耐架，好攰呀！ |
達達自從皮膚變黑, 身體就發出一種氣味, 雖然唔太濃烈, 亦唔可以話係臭, 但總係唔like啦; 嗰種好似霉菌嘅氣味真係好討厭, 就算沖涼都唔可以同佢清除; 今次噴咗神奇水, 第一日我已經感覺有改變, 今日沖涼後再同佢全身噴透, 吹乾乾毛毛後, 竟然發覺完全無晒嗰種唔好聞嘅氣味！
另一樣就係佢好乾嘅皮膚, 尤其係條頸仔, 輕微磨擦都會紅晒; 講真天氣凍就話同佢圍條真絲頸巾仔, 呢幾日咁熱就熱死佢啦:( 但噴咗神奇水呢樣都可以解決埋! 可能有膠原成份, 增加咗皮膚嘅彈性, 神奇水果真係神奇啊！
之前見佢皮膚又紅又黑, 又乾又旱, 仲要發出難聞嘅氣味, 真係令到我好down, 又怕磨傷表皮都易引發皮膚炎嘛; H醫生再三叫我要小心保護, 可能有呢個症皮膚受損會手尾好長啦, 真係又擔心又絕望啊; 好開心今日總算見到皮膚有少少進步喇 :)
達達豬沖完涼成過生猛晒, 著番條裙仔都好靚靚吖!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
