但今時今日我實在無勇氣接受咁艱巨嘅挑戰, 撫養呢D非一般小狗狗, 比再多心力都好似唔夠!
早幾日睇咗一段短片, 外國有位女士經營嘅寵物店, 出售嘅就係呢種超迷你狗狗, 當然細係佢嘅賣點, 想要就無得吝嗇價錢!
老闆娘坦言以前繁殖出呢種狗狗, 多數會人道毀滅, 太細異於正常, 都唔知其他器官有無發育完善; 但唔知幾時開始, 大家都鍾意越細就越好添 :)
於是竟然將正常扭轉, 用盡方法去繁殖呢種狗狗 :( 以前要人道毀滅嘅狗狗, 一吓子命運逆轉!
 |
| 網上搜尋到一張圖片,呢隻可愛嘅芝仔大家點睇? |
店中有一隻芝仔, 佢話最細亦最貴, 但因為個頭仔好細, 對眼就明顯分得好開, 老闆娘話呢種情況狗狗個腦好容易出問題; 而呢隻狗狗個腦都有少少毛病, 不過係好少好少喎 :D
因為狗狗太細唔易養, 所以要做佢主人唔係比得起錢就ok, 佢會嚴格挑選有經驗嘅人, 要確保狗狗會得到照顧完善:)
如果唔係比佢哋太趣緻嘅樣貌所矇蔽, 一聽就知有問題啦!
望住呢D不同品種嘅狗狗, 覺得個樣都好相似, 令我諗起一D唐氏症嘅兒童, 佢哋來自不同家庭, 甚至不同種族, 但都有相類似嘅面孔!
呢D超迷你狗狗, 係咪都有同一特質?
 |
| 呢一眾狗狗, 真係太可愛喇!!!!!!!! |
經歷過養咁多狗狗, 今時今日細身再唔係我嘅追求, 依家我只希望我嘅狗狗健健康康就足夠; 不過, to be honest, 當然我都唔係無慾無求啦, 我都相信緣份, 都希望我嘅狗狗精靈可愛, 就好似當年第一眼見到叻叻, 就一見傾心 :)
當年我嘅波波豬都好細身, 根據American Kennel Club嘅指引,佢都係under一般松松嘅standard size, 即係成犬1.36 - 3.175 kg, 而我3隻豬仔, 都已經偏向最細, 都唔好追求更細喇, 真係會湊死人 :)
 |
| 3個半月大嘅波波, 都係拎喺手上, 抱都怕跌咗佢落嚟 :) |
 |
| 寶貝仔波波! |
 |
| 兩隻傻豬 :) |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
Link:【動保知識】所謂的迷你狗、茶杯犬、迷你兔、茶杯兔的迷思與真相
