每日都聽到毛孩嘅醫療事故, 今日喺FB又見一單 :(
狗狗有屙嘔, 帶去睇醫生, 醫生幫小狗聽心跳, 按肚, 就話有3個可能性.(1)食錯野 (2)胃有事 (3)腸胃炎; 話第1個可能性最大, 建議照X光, 佢話腸胃炎機會最微.
十五分鐘後照完X光, 話裡面無咩事, 之後醫生幫小狗打兩支針; 一支止屙, 一支止
第二朝見到狗狗好痛苦, 四肢無力, 企都企唔到; 諗住抱起佢餵D水, 就喺抱起佢嘅呢一刻竟喺手中死去 :'(
主人打電話返去問診所, 佢哋話小狗可能急性腸胃炎, 血糖低, 休克所以致死.主人質疑之前就
見到咁多呢D醫療失誤, 真係好心寒, 慨歎獸醫體系良秀不薺, 要碰到一個有愛心盡責嘅獸醫, 仲難過中六合彩 :(
幸運嘅當然係遇到有醫德嘅醫生, 不幸中大幸係遇到庸醫, 有懷疑去搵多個意見, 得以保命; 最不幸就好似呢類事件, 原本屙嘔都好常見, 點會諗到咁都會無咗條命先!
主人都好負責, 有帶去見醫生, 一般我哋唔識判斷病情有幾嚴重, 就只有靠獸醫嘅專業意見; 呢個醫生可能都太掉以輕心, 會唔會以為屙嘔係平常事件, 無小心搵出問題癥結?!
話呢間診所獸醫無良, 又好似太武斷, 好多診所都有數位獸醫駐診, 照我所知呢間診所都有一個口碑好好嘅獸醫; 又正如我睇嘅H醫生, 診所內都有聲譽唔好嘅醫生喺入面; 而診所內因為有一個唔負責任嘅醫生拖累, 就一竹篙打一船人, 咁又好不公平!
如果有連番醫療失誤都屬同一獸醫引起, 係咪應該有所仲裁? 請佢離去? 咁對診所本身同求診嘅病人都較有保障, 我哋先會有信心聽取醫生嘅專業意見!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
