 |
| 靚靚手功餐檯已經寄到 |
今早再去見牙醫, 仍然感覺良好, 值得一讚係book咗時間唔使再等, 準時入去 :)
其實真係好怕見牙醫, 好少有今次咁relax, 係完全放鬆晒 :)
整完牙番嚟見到手功餐檯已經寄到, 實物真係好靚, 打磨得非常幼細, 完全唔用釘接駁, 仲有3層無毒防水漆保護, 比一般坊間買嘅貴少少都抵番 :)
既然唔使再等收件, 立刻同3隻豬仔出去喇, 中午又有補肝湯要送嚟, 唔想好似琴日咁晏出去, 太多狗狗波波真係好難攪 :(今日陽光好好, 好暖、風又唔大, 真係好舒服; 不過達達都係要著衫, 雖然佢生緊毛毛, 但前胸都仲好薄, 只有一層薄薄嘅毛仔咋; 唔著衫一陣間都有鼻水, 冷親就慘, 希望等到夏天佢毛毛會生得厚番啦!
 |
| 相片連結 |
比波波行先, 偶然遇到狗狗都係吠, 我覺得近來佢脾氣暴燥咗, 真係唔知點解? 佢一直都係皇帝仔, 乜都保佢大啦, 又無忽視過佢, 真係百思不得其解!
達達呢排行得都好暢快, 雖然都係望住個地下, 但都會行吓停吓又望吓喇, 面部表情都無咁緊張啦!
豆b都係傻吓傻吓, 拖住佢就行到彈彈吓, 其間遇見狗狗想撲佢都無有怕, 係拖住佢先可以同街坊傾談兩句, 其他兩隻想要同人傾偈真係好難!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
