 |
| 出去行吓比波波減壓! |
呢幾日都係天色唔好, 天黑黑成日落雨, 同3隻豬出去較麻煩; 兩隻女去少一兩次街街都無所謂, 豆b最多瞓多D覺, 達達豬就喺地氈兩頭行!
但波波明顯暴燥, 以前都唔覺會咁, 究竟點解? 係之前谷住谷住, 依家壓力逼爆?
無出去佢會自己瞓床仔, 悶悶不樂, 豆b搵佢玩會咬, 連達達碰到佢都鬧 :(
既然係咁我唔敢懶, 係咪男仔精力較旺盛, 一定要出去跑跑? 每次去完街佢係明顯純晒, 會主動同達達玩, 豆b攪佢都唔會鬧!
雖然係天色陰暗, 都自己一個帶波波出去行, 比佢跑一跑; 一對一我比較容易控制, 雖然話3隻一齊出去有姐姐幫手, 但其實都係靠自己一眼關三, 靠佢好難, 評估環境佢完全幫唔到眼!
 |
| 咁嘅樣即係前面有狗, 有D緊張有D驚! |
街上都有其他狗狗, 但我會比佢有適當空間; 當我見佢停住定定望向前方, 我就知有狗狗令佢緊張喇, 咁遠距離佢唔會吠; 我同佢照向前行, 希望佢慢慢習慣, 一邊鼓勵一邊讚, 到差不多位置, 係佢未開口吠我就帶佢掉頭行; 一定要唔好比佢開始吠, 一定要拿捏好時間!
 |
| 想安安樂樂行吓都咁難 :( |
決定用呢個策略, 帶住佢轉嚟轉去, 一見前方有狗狗就轉身; 不過都遇到隻放繩狗, 無人拖住跑得好快, 即使我同波波回頭走, 佢都照撲過嚟 :( 好彩係隻poodle仔, 如果係大狗就弊!
波波一開口吠 , 我就唯有番歸, 好麻煩唔知點解一開咗頭就無得控制 :(
我唔知有幾多人知道"黃絲帶"運動, 每次見到狗狗我帶波波回頭走, 大多數主人都好通融, 佢哋會帶狗狗同我哋保持適當距離, 相安無事; 又或者佢哋都走回頭路, 可能佢哋都係一樣, sensitive dog needs spaces :)
都係呢句 , 為人為己, 馬路旁, 唔係適當嘅地方, 請拖繩!!
更希望"黃絲帶"活動會喺香港成功推廣開去!!!多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
