 |
| 相片連結 |
琴日終於同豆b剪咗毛毛喇, 真係太長太亂, 天氣又翳翳焗焗, 咁多毛毛真係好唔自然; 本來一早就要同佢哋兩姐弟剪, 但今次自己病咗成個禮拜, 真係手軟腳軟; 同佢哋剪毛毛真係好大挑戰, 身體無事都剪到我索晒氣, 何況依家剛算復原! 但真係睇到咁大把毛毛就唔開胃, 點都要剪!
本來有諗請姐姐過嚟剪, 但親自操刀佢哋較relax, 可以視為一個良好嘅親子活動; 一邊剪一邊傾吓偈, 又比D小食氹吓隻豬仔先 🙂
豆b今次又算好合作, 都肯企定比我剪; 在我嚟講今次係剪得最多嘅一次喇, 不過當然都唔會剪短裝 :)
一來我無咁嘅功力, 剪太多實會好肉酸, 二來剪短一直都唔係我嘅意願!
以前同佢哋剪毛嘅美容師, 每一位都知我嘅心意, 我只要修番齊整, 唔會剪短; 我一定要保留番松松嘅特式, 胸前嗰把毛毛好緊要 :)
睇過好多報導, 長毛狗狗熱天係唔應該剪得太短, 剪晒外層阻擋陽光嗰部份毛毛, 反為不美, 反射唔到熱力仲容易灼傷添; 太長太亂係需要打理, 但唔係剪得越短就以為越可以散熱!
 |
| 波波真係唔太精神 |
原定今日就輪到波波剪, 但琴日佢好似有D唔舒服, 觀察咗一日雖然都再無見到佢想作嘔, 但晚上見佢嘅便便比平常軟, 都係唔敢郁佢住, 等佢透多一兩日再算!
我自己都要回吓氣, 琴日剪完豆b真係手騰腳又震, 要休息番夠本先得 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
