 |
| 相片連結 |
今日第三次去見牙醫, 完成咗整個根管治療喇, 由開始到完成全無一絲唔舒服, 呢個牙醫手勢真一流, 下星期開始去做牙套, 我越嚟越對佢有信心, 一D都唔驚lu :)
見完牙醫番嚟, 休息咗一陣, 3隻豬食完曚曚, 先再去街街喇; 今日比正常時間晏咗少少, 希望唔好遇見太多狗狗啦; 出門前30分鐘波波同達達都用上花藥!
波波行第一, 其間遠距離見到狗狗, 佢無嘈嘈閉; 可能呢個係一個適當距離, 威脅唔到佢啦 :)
達達都係排第二, 今日佢有大特破, 講出嚟真係笑死人; 但達達從來都唔會喺街上做嘅嘢, 今日做咗喎, 一件最為平常普通嘅事, 但對達達嚟講, 真係值得我開心架!!
達達今日竟然喺街上尿尿, 真係前所未有, 佢一向都緊緊張張咁, 點都死忍; 今日竟然克服到呢個心理障礙, 代表佢又向前邁進一步, 我真係好開心!
至於佢嘅毛毛, 都係進展好慢, 而且同上次又好唔同; 上次佢甩得急但好快修服, 今次睇住佢慢慢變壞, 而且甩得更徹底更兇, 明顯今次真係好似bb期換毛咁, 佢面仔D毛都薄晒喇, 如果話BSD唔影響頭部同前手, 佢又唔係呢個pattern, 咁佢會唔會遲吓變埋馬騮面呢?
最後輪到豆b, 我哋遇到小朋友呀, 呢隻叫"毛毛"嘅小狗上次比隻雪撬咬親, 我諗佢對其他狗狗都有咗戒心喇, 見到熱情嘅豆豆向佢行過去, 佢都要跳上媽媽個身, 佢都需要適當距離!
毛毛都係無食狗糧, 佢食BARF嘅, 亦無用chemical嘅用品, 佢媽媽都係出門前用草本同佢噴一噴; 佢話佢只打過瘋狗針, 都係礙於法例, 其他疫苗佢只打過bb嗰三針 :)
我又唔係好敢唔同3隻豬仔防疫針打呀, 不過一定唔會打得咁密; 都要搵到個獸醫支持唔使年年打針呢個論點先得, 唔係實比我激親!
香港有好多獸醫都已經實行咗叫狗狗3年先打針一次, 我慶幸Dr.H都無太反對我嘅堅持 :)
越嚟越多人對養狗狗嘅概念有轉變喇, 希望往後所有毛小孩都會越嚟越健康, 再無咁多病痛啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
http://holistichorsecareasia.blogspot.hk/2012/11/repeat-vaccinations-affect-immune-system.html
http://holistichorsecareasia.blogspot.hk/2013/03/caution.html#more
