 |
| 相片連結 |
觀察咗兩日都再見唔到波波有唔妥, 胃口都好好, 便便都回復正常, 決定同隻仔沖涼剪毛! 希望剪多D會變熟手技工, 唔使再搵剪毛姐姐出動, 我慳錢時豬仔們又輕鬆 :)
波波豬真係超合作, 只要我唔停口咁讚佢乖仔, 話媽媽錫晒, 佢就好乖:)
個仔真係同我較有默契, 可能真係由細帶大, 識配合我嘅動作, 叫佢左轉右轉都ok; 佢對媽媽有信心, 知道媽媽唔會傷害佢, 企得好定, 唔會好似比姐姐剪時咁緊張碌到隻眼仔大大!
我同波波剪又較輕鬆, 都唔使零食出動, 齋用把口讚就攪掂晒; 我覺得同波波剪得比豆b好, 自己比較滿意:)
等我再同豆b執執佢啦, 希望隻豬女都會咁合作!
好耐無同佢哋出去喇, 希望聽日天氣好D, 可以去街街啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
