 |
| 好靚嘅背脊 :) |
以前返工時候我真係好少病, 接觸咁多病菌變咗百毒不侵, 身體有好多抗體去打仗; 自從辭工後, 好似無咗層保護網, 好容易被傳染, 好容易病!
每次老公感冒, 我都被傳染, 仲要比佢更嚴重:( 而每次有咳必定沙聲, 仲要維持好長時間先會好轉, 唔通之前係我透支咗身體健康?
又幾日無同豬仔們出去喇, 無辦法啦, 自己頭重腳軽都唔係好想行, 郁多兩郁都標晒冷汗, 自己有病連累埋3隻豬都無得出去我都唔想, 希望休息多日聽日就會好番啦!
每日都仍然會幫3隻豬梳毛清潔, 不過就無夲事同佢哋冲涼喇, 夲來應該到咗沖涼時間, 都唯有壓後啦; 呢個頗需要體力勞動量, 我唔想太勉強!
同達達豬梳毛, 見到背部毛毛生得好靚, 未失去過就唔會有咁深切嘅感受, 一路梳一路輕輕咁摸, 真係得來不易啊!
不過前胸仲係好單薄, 而面仔真係開始有馬騮樣喇!
今次達達真係徹徹底底咁嚟一次大換毛, 希望佢新生嘅毛髮生長得健健康康啦, 唔好一年半載又再番嚟咁攪我, 我都好似孫悟空咁出盡晒渾身解數喇, 再來一次我都唔知再要點幫忙 :(
今日一早就聽到波波喺度咳咳咳, 都唔知點解咁突然, 好彩有後備擴張氣管嘅藥, 希望佢只係一時敏感, 食兩次就藥到病除啦; 千萬唔好襯我病嚟攞我命呀, 唔好再叫我擔心啦!
健康真係無價, 任何時候我都衹有同一願望, 但願身體健康!
 |
| 豆b應該沖涼剪毛喇, 好亂 :( |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
