從台灣訂做咗3張手功餐桌比3隻豬, 店主通知已付運途中, 今日應該會收到喇, 咁我就唔敢同3隻豬出去啦; 點知由朝早等到黃昏, 都無消息, 激死人!
本來天都開始黑, 我唔係好想出去喇, 過去經驗話比我知, 呢個時間好多狗狗, 我怕咗波波又嘈嘈閉啦; 但又唔想佢哋無得行街街, 都係決定試吓, 希望有例外啦!
同3隻豬落到樓下, 就知死喇!
不單只好多狗狗, 仲要碰上放學時間 :(
硬著頭皮都嘗試放波波落地, 但真係寸步難行; 隻仔見到鬧哄哄嘅一群群學生, 跑來跑去重大聲喧嘩, 點會唔發癲吖:(
我最怕佢吠開頭就好難控制, 放番佢上車仔, 換咗達達落嚟行, 反正達達一天黑就好緊張喇; 跟住到豆b, 最後先輪番波波, 時間晏咗希望會少D狗狗啦!
今日出去好失敗, 波波一吠我就手忙腳亂, 拎住零食嘗試做友善訓練, 又唔啱timing, 又要留心住其他狗狗, 都唔可能影相喇, 叫新姐姐試吓幫手, 雖然濛濛哋, 但做吓插圖都算交到差啦 :)
今日唯一嘅開心事, 就係碰到網友M呀, 又一個從未見面互不認識嘅網友, 因為狗狗嘅關係, 慢慢變做狗友喇 :)
M, 下次見面再傾過, 希望我哋嘅狗狗都好快生番晒毛毛啦!
 |
| 就係等呢3張餐檯囉! 店主提供嘅圖片, 睇落手功好靚, 不過仲未收到 :( |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
