 |
| 相片連結 |
不過環境再好, 對我嚟講都路途遙遠, 其實講真句即使近在咫尺, 都唔會有我哋份, 同我3隻豬去係無可能 :(
顧名思義"寵物公園"一定有其他狗狗嘛, 波波咁抗拒接觸其他同類, 幾靚嘅地方都無佢份啦; 達達豬咁難先刻服到去外面都敢行吓喇, 如果去唔熟識嘅地方佢會壓力添加, 所以都係睇吓算喇!
今日中午又同3隻豬仔出去, 近幾日天氣好好, 太陽伯伯好關顧; 我嘅新工人姐姐同舊姐姐一樣, 聽到同佢哋出去就好開心, 話由佢負責影相, 佢哋都好enjoyed拎住個機仔猛咁禁 :)
新姐姐今日影得唔錯, 比之前進步好多, 其實影呢D生活相我係無要求嘅, 只係日記嘅一部份, 又唔係沙龍照, 唔好太鬆郁矇就唔會太失真啦!
3隻豬都係輪住咁跑吓, 雖然每日都喺相同地點兜嚟兜去, 但我都覺得佢哋行得好開心;)
我諗一切外來嘅因素都唔太重要, 最重要嘅係佢哋可以出去釋放咗D負能量, 又跑吓曬吓太陽; 仲有係佢哋可以同媽媽一齊散步, 見佢哋行吓又會望吓我咁, 我就好開心 :)
 |
| 我相信只要係同我一齊, 波波就會開心 :) |
 |
| 達達跟住媽媽就有安全感 :) |
 |
| 豆B都一樣跟住我行就無嘢諗:) |
好多人都會叫工人姐姐出去放狗, 其實狗狗一定係同主人一齊先最開心囉, 如果D工人姐姐有責任還好, 起碼狗狗都算有過運動; 但我真係見好多姐姐都係綁住狗狗係D柱度, 自己就坐低喺度拎住個手機禁唔停, 又有姐姐唔拖繩, 狗狗走到好遠, 有咩意外千哩咁遠, 營救都無從啦 :(
放狗係一個親子活動, 我一定唔會假手於人!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
