 |
| 恭喜小KK出咗院喇 :) |
得悉小KK病情受到控制, 出咗院喇, 好"鄧"佢爸爸媽媽開心, 我都鬆咗一口氣!
即使佢唔係我嘅狗狗, 對一隻咁細嘅狗狗要受咁多苦我都好肉錫, 想像到呢段日子以來佢爸爸媽媽有幾難受!
KK今次腦發炎, 曾有懷疑係因為吸入化學物品 - 香薰噴劑; 事實上過量吸入咗呢類化學香薰, 係會影響中樞神經, 引起腦腫脹而導致顱內壓上升, 唔及時減壓會腦細胞壞死, 真係好得人驚… KK咁細隻, 吸入少量都可能好大影響,有咁懷疑都到好正常!
後來確診原來KK係有糖尿病, 係糖尿影響咗個腦.....枝香薰有無影響, 因為腦炎已退, 無辦法証明!
本來已經覺得麥XX診所好過份, 腦炎又話肚炎, 對待一個生命咁兒戲，當晚小KK夜診, 第一時間麥XX都有同佢驗血, 有無理由糖尿高咗都唔知? 又全無懷疑?
驗糖尿呢D係普通blood profile都會做, 唔通當晚驗咁多嘢反而呢樣無驗到?
我真係覺得好恐怖, 一個生命隨時會無聲無息咁溜走, 無論係人或者動物, 只要你唔好彩碰上一個疏忽嘅醫生, 唔愛惜生命, 就隨時向閻皇報到 :'(
再者大家都要小心睇實屋企嘅毛小孩, 千萬唔好學我咁捕風捉影 :) 但都要小心看顧; 佢哋有唔舒服又唔識講, 仲會假裝, 全靠我哋鑑貌辨識先可以喺第一時間幫得到!
人同動物都一樣, 肥胖係誘發糖尿嘅高危因素, 大家都要好好控制狗狗嘅體重, 千萬唔好以為要養到肥肥白白, "狗瘦主人羞"呢個論點唔好再放入腦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
