 |
| 相片連結 |
今朝一早就聽到豆b氣管"卡卡"聲, 可能轉天氣啦, 今日比較清涼, 同佢著番件薄衫仔, 跟住聞氣, 免得過都唔想出動氣管藥, 盡量用天然療法, 用蒸氣幫佢; 雖然都知道對twins氣管較差, 唔係Dr.H都唔會配定藥比我放喺屋企, 希望今次佢都只係一時氣管敏感, 聞蒸氣就ok!
呢3隻豬仔真係多事, 此起彼落我真係無時安樂, 不過呢D小毛小病都係難免, 我唔應該口出怨言嘅:)
今早比豆b聞咗氣佢已經舒緩落嚟, 條氣無晒事, 希望晏D可以同佢哋出去; 今日都頗大風, 早上又有微雨, 都係同佢哋加番件T恤仔, 冷親就死; 我呢3隻係豆腐豬仔, 一碰就碎, 冷親佢哋就麻煩自己!
食完午餐等佢哋休息咗兩個鐘後, 望出窗外又好似無雨, 就決定出去; 3隻豬好興奮，見到架私家車仔尖叫起嚟, 快快出門怕咗佢哋!
一落到樓下見到橫風橫雨, 真係激死, 無辦法啦唯有番去!
3隻豬一定好失望, 望住出面都無得落地, 仲要坐住車仔兜吓都無雨具準備 :(
上番平台連花園都唔可以行出去, 唯有喺有上蓋嘅地方隨便兜兩round啦!
番屋企比佢哋飲補肝湯, 安慰吓佢哋 :)
出過去佢哋心情都幾好, 自己識娛樂自己, 我就無無聊聊咁拎住相機猛咁影, 影多D相嚟做相片日記 :D
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
