呢幾日突然又凍咗, 我已經好警惕松松天生氣管弱, 好小心同3隻豬仔保暖, 做足預防!
豆b氣管真係好差, 一轉天氣就聽到佢呼吸"嘓嘓"聲, 要早晚都聞氣喇, 但今次連波波同達達都好似呼吸唔多順暢, 聽到呼吸聲有D異常, 唯有捉住佢哋聞埋!
同一個霧化器, 但3隻豬反應都唔一樣, 豆b架輕就熟, 佢會張開口用力咁吸, 即係佢氣管有問題; 達達就好enjoyed咁用個鼻仔猛嗦, 應該係佢有鼻仔塞啦, 波波就係都轉開塊面, 可能佢暫時唔太需要喇, 做呢個療程一般5 - 15分鐘, 但一定唔好勉強, 見佢哋唔肯再吸, 就要停!
雖然天氣轉涼, 又大風, 但我都keep住同佢哋出外, 唔想一吓鬆一吓緊咁樣運動, 怕佢哋拉傷肌肉仲衰, 運動都係要循序漸進, 都唔想佢哋一吓間跑咁耐心臟負荷加重啦, 依家大概每次出去個半鐘, 3隻豬輪住跑吓, 上番車休息吓再上平台, 放繩自由咁跑多10分鐘!
今日行完街街上平台,
遠遠見到有管理員向我行近, 我梗係唔放佢哋出嚟啦, 唔好太明目張膽嘛, 根本係自己違規; 點知佢行過嚟同我講, 今日唔好放佢哋落地行喇,
今日噴咗殺虫劑, 佢話雖然佢哋唔夠高接觸到花槽, 但噴洒嘅時侯有可能牆身同地下都沾有架, 小心D好:)
 |
| 今日只可以坐住車遊花園 |
佢話見過佢哋喺度跑:P 但見我鋪晒尿片好自律, 又只跑十幾分鐘, 佢哋又唔嘈, 唔影響到其他人, 又無人投訴無所謂啦!
真係多謝佢通融, 唔係3隻豬就無得放繩跑喇, 我一定會好好咁小心監控, 唔會整辣躂公共地方!!
 |
| 今日雖然大風, 但陽光好好, 都好舒服 |
 |
| 達達心情好好 :) |
 |
| 媽媽做乜咁攪鬼呀 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
