實地勘察 （w/album, video)

相片連結

今朝一早餵早餐, 發覺波波又側住行, 又摸到達達D毛毛唔係幾滑 :(
呢2隻豬日日都有新嘢玩, 但我已經調整心態, 視呢種情況如不在狀態!

達達毛髪生長過程同過往係有D分別喇, 無得用常理推測, 今日摸落毛髪雖然唔滑, 但又好似變厚咗, 對佢嘅毛髪生長, 自問比以前有唔同心態; 能夠生長番一身豐厚披毛當然開心啦, 反之只要身體健康, 相比起外觀, 唔係最重要喇!
只求佢唔好再抽筋, 少D腳震震, 行得走得胃口好, 日日開開心心!

第一次到寵物公園 (w/album, video)

相片連結

波波食咗3日耳水不平衡嘅藥, 今日好似好咗D喎, 咁老公話不如去寵物公園比佢哋走走!
對於寵物公園, 我一向視如洪水猛獸, 以前波波未咁抗拒狗狗, 無又嘈又緊張嘅時候, 我就怕有甩繩大狗, 總係諗到會狗咬狗, 一發不可收拾!

氣壓下降 (w/album)

相片連結

波波食咗兩日耳水不平衡藥, 情況仍然一樣, 都係側住個身:'(
望住個心肝寶貝全無好轉, 我真係傷心, 有極重無助感, 點解咁難搵出原因?
要我當無事係咁等, 真係折磨人, 波波一日搵唔到原因, 每日咁側住個身, 我就會一直唔安心!

搵唔到原因

波波今日睇完第三次醫生, 但仍得唔到確診, 真係頭痕!

今日睇太平道診所郭醫生,  得到一貫詳細問診, 然後細心檢查, 每個細節都關心; 其實上次豆b頸椎有事, 一開始都係睇Guo醫生, 我係好滿意佢嘅尊業操守!

原地踏步

見佢係咁側住個身好唔安樂, 究竟係乜事!

波波側住個身已經3個星期, 睇咗兩個醫生,聽日會睇第3次!

第1次睇Yeh醫生, 認為係牙仔問題,  開咗一星期消炎藥, 佢話比時間甩咗隻牙就無事!
食咗一星期消炎藥,  以為波波會好D, 應該會習慣嗰隻鬆咗嘅牙齒, 但睇到嘅情況係無好過, 又要再去睇第二次!

排隊玩

波波情況都係差不多, 有時我覺得佢有好咗, 有時又覺得佢無好過!
唯一安慰係佢精神同食慾都好好, 除咗有側身就住行, 大部份時間仲會走嚟走去玩!
真係怕咗佢, 可能休息唔夠難好番, 琴日開始大部份時間將佢困籠, 除咗3餐時間放出嚟行吓, 自由行只有去便便時間!
希望休息多D會快D康復, 除此之外就勤力同佢照燈熱敷, 我都唔知仲有咩好做喇!

吊頸都要透氣 (w/album)

相片連結

都唔知點湊好呢3隻豬?
琴晚達達嘔咗一次, 見佢嘔完好攰去瞓覺, 心諗等佢休息吓就無事, 狗狗嘔一次半次唔係好大問題, 好小意思嗟; 但係見達達反來覆去, 瞓到成日轉換位置, 我就知佢極唔舒服, 我D擔心病又開始 :(
達達唔同波波, 一向瞓覺唔會咁, 已經夜深, 總係夜晚先出事, 咁我點敢瞓?

我識做喇

自從睇過Dr.Fan個心就定好多喇, 即使見到波波仲係有側身, 我反應都無咁大, 呢類"風濕"症狀唔會問題好大, 咁我唔驚啦; 呢種症狀applied喺人身上都因人而異, 有人好快好轉, 有人就需要耐D時間！

有HEART嘅醫生

波波到達診所都唔算緊張喎！

終於見到新醫生Dr.Fan, 佢無令我失望, 細心詳細問症, 比好多時間同我解釋;  然後從多方面推敲, 幫波波檢查身體, 每一part都非常仔細, 牙仔, 眼仔, 再聽心肺, 然後全身按壓身體!

牙仔有牙石當然唔好啦, 但無口臭應該未有細菌感染, 唔算太大問題, 鬆咗嗰隻牙仔佢認為未致於令波波身體偏側咁嚴重, 都屬意等佢自然甩落嚟!

真係有問題

真係越忙越見鬼, 自己牙齒又有問題,   聽日要去見牙醫, 真係似晒個仔, 兩母子都咁弊!
我嘅問題應該係輕而易舉可以解決, 唔使擔心麻醉嘛, 係煩在來回往返花時間, 我係掛住個仔啦!
我覺得波波...真係有問題!

驚恐病 (w/album)

相片連結

波波仍然係身體輕微偏側, 我真係驚; 雖然睇過醫生話係牙齒問題，但牙齒真係有咁大影響?　
佢唔單係坐同企有偏側, 連瞓覺都只瞓一面, 我點會唔驚?

開始上網搵料, 當然越搵越驚, 好驚有前庭病變!

A話我最叻就係將最差嘅applied喺自己身上, 攞嚟驚係我強項; 唉! 係攞嚟驚就好啦!

狗的前庭症狀 - 轉貼

在小動物前庭系統問題是常見的神經疾病之一，精確的定位周邊(內耳)或中樞(腦)神經問題對於診斷與後續的治療跟預後判斷是很重要的。

 

• 結構與功能

前庭系統包含周邊跟中樞部分，周邊部分包含內耳的接收器與前庭神經；中樞部分包含腦幹中的前庭神經核與小腦中的絨球小葉 (flocculonodular lobe)、頂核(fastigial nucleus)。其中部分小腦中的前庭區對於前庭系統有抑制的作用。腦中的前庭系統經由不同路徑連接到受器 (包含: 眼外肌、脖子與四肢的肌肉等)，讓前庭系統可以執行下列功能

唔係好學生

物理治療每日都keep住幫3隻豬仔做, 希望可以幫到佢哋嘅筋骨脊椎唔好有事, 唔惡化已經好好; 對於佢哋嘅身體健康, 可以做嘅我都盡量去做, 實在覺得養呢3隻豬唔容易, 頗辛苦!

小氣豬

原來夜深人靜時個腦最活躍, 我每晚瞓咗落床個腦就好似裝住好多嘢想講, 所謂叫做有靈感啦; 但又懶得起身, 到咗第二日天光, 個腦就清空, 咩都唔記得晒 :p

狗狗節紮問題 （w/album)

相片連結

睇到呢篇討論關於狗狗節育問題, 值得再深思參考, 結紮究竟係錯定對?
我3隻豬仔都有甲低, 會唔會有關係? 再者, 佢哋衍生出嚟嘅情緒行為問題, 又有無關? 明顯覺得達達結紮後性格係有改變, 唔通真係有關?
波波係隱睾唔做唔得, 但3隻豬做時都已經完成發育階段, 波波歲半, 兩個女都接近3歲啦!

從雲端跌下

琴晚半夜3點左右, 聽到圍欄床仔有D聲, 我坐起身望過去, 見達達打側瞓低, 手腳係跑歩狀態, 個心當下一沉, 唔通又抽筋?上次距離今次未夠3個月, 真係太密喇!

美好嘅一日 (w/album, video)

相片連結

美好嘅一日, 好忙, 但充實, 好開心!
琴日同波波睇咗醫生, 安樂晒, 雖然甩牙仔唔係一件開心事, 但呢個係不可逆轉嘅事實, 無得攪!
我自問照顧佢哋嘅牙仔唔合格, 真係好難, 口又細牙又細點刷, 佢哋又唔係咁順攤, 任我攪:(
醫生話小型狗係難D㗎, 好大比例到咁嘅年紀都會甩牙, 波波都8歲有多先開始差, 唔算極壞, 況且體質係會影響牙石增生; 唉, 醫生客氣喇!

姿勢有異

今日嘅親子活動要擱置, 因為要帶波波見醫師!
波波呢個仔真係多事, 近日我發覺佢姿勢有D變異, 站立同坐低都稍微偏側, 但步行就較正常, 活動自如, 所以我再觀察住!

悲劇又發生 (w/album)

相片連結

今日一開FB, 就睇到一段壞消息, 台灣有隻狗狗, 送美容店沖涼, 咁就無咗條命!!!
時有聽聞送狗狗出去沖涼, 受虐打至爆眼, 週身損傷, 朋友間都試過有狗狗受傷, 絕唔係無中生有誣衊呢個行業; 沖個涼受到虐待, 從高處跌下骨折, 因而喪命, 都唔係新聞; 仲有用拖帶綁狗狗喺美容檯, 自己就行開, 以為安全, 誰知狗狗跣脚跌落嚟, 唔上唔落變成吊頸, 咁就無命; 呢個事例發生喺我朋友身上, 多年前佢隻八哥就咁離開咗佢!

《被安樂死的狗狗》- 轉貼

每日都聽到、 睇到又有被棄養嘅狗狗, 各主人都有不同嘅理由, 我唯一可以接受嘅係主人再無能為力, 因為有重病預知會比狗狗先走; 呢種棄養, 主人情非得以, 一定非常痛苦難受, 其他嘅理由, 恕難接受!

今日睇到呢篇漫畫, 借來同大家分享, 無論睇過幾多次有關狗狗被棄養嘅文章, 每次睇呢類內容, 仍有心痛感受!

原文連結:http://www.hotnews.hk/view/24193

聾耳陳

達達真係曳, 佢一定當咗自己係人仔, 坐要坐梳化, 瞓要上大床同我哋一齊!
比佢坐吓梳化真係無所謂, 就當比時間老公同佢培養親子關係, 反正佢哋兩個都鍾意排排咁坐喺一齊, 但晚上瞓覺都要上我床瞓埋一齊, 我就唔係咁like啦!

三頭六臂 (w/album)

相片連結

每日同3隻豬仔清潔梳毛, 要用好多時間; 尤其係達達, 用magic mist噴濕毛毛後, 仲要按摩一大餐, 等皮毛吸收吓神奇水嘅精華, 再要用暖風吹乾, 最怕凍親感冒就死喇!
達達好麻煩㗎, 做一陣就要走路啦, 一捉佢返嚟會大聲尖叫, 好得人怕, 唔熟識佢性格真係嚇死啦!
達達最叻係用尖叫去宣洩不滿, 性格真係刁蠻:(