2016 Easter

相片連結

雖然今年嘅復活節我真係無咩心機, 完全對影主題相無晒興趣, 但一諗起豆b嘅病, 往後一齊過復活節都唔知可以有幾多次, 會唔會今次係最後一次都無人知!　
唉! 就抖起精神做個簡單佈置~

相聚相守

豆b都係無胃口, 正餐唔餵就唔食, 以前一開餐心急到嘔泡嘅豬豆,  同依家對比極鮮明 :(

琴日見到豆b肯食餅餅, 厚住面皮請BC為我急急做, 餅餅已經成為豆b正餐嘅重要部份, 腎病所須嘅蛋白同澱粉質, 都要靠呢度吸收; 而最主要嘅, 係唯一呢個時間, 我先會見到豆b食得咁開心!

開始洩氣 (w/album)

相片連結

最近個blog充滿負能量, 豆b有病, 真係好傷!
豆b仍然唔想食嘢,  望都唔望佢最愛嘅餅餅 :'(
琴日Mi嘅一句說話, 好似當頭棒喝, "未見過早期腎病狗會唔食嘢", 我先開始回想, 會唔會係牙齦發炎, 口痛呢?

好似打仗

其實點忙都無問題, 但最怕心理負荷咁大, 豆b唔肯食我真係怕!
今日連最愛嘅餅餅都吐返出嚟 , 我都唔知點算喇, 要點做佢先會開胃返?
Mi話佢未見過咁早期嘅腎病狗胃口會咁差, 到唔肯食呢個時段都好晚期喇,  但豆b又唔似係晚期, 佢話豆b個樣仲咁精靈, 攪咩呀?

有幾大能量

眼仔睩睩嘅豆豆

頹喪咗一輪, 係時候收拾心情面對現實, 焦慮心急無補於事, 就算見到豆b情況每況愈下, 都要預咗會係咁喇!
一個不可逆轉嘅慢性病, 點會好返? 積極D睇睇有咩食材, 可以令佢有返胃口, 有咩食物啱佢食啦!

多謝鼓勵

儘管今次我選擇用順勢療法去幫豆b, 收到好多唔同意見, 有朋友並唔同意,  言語間會打沉我啦; 但幸運嘅係得到家人支持, 佢哋相信我唔會比條黑路豆b行, 我做嘅一切一定係為佢好而出發; 況且, 我都無更好嘅選擇, 我根本無得揀!

千手觀音

鼻仔都濕晒

真係比3隻豬玩死, 真係要A+B+C,   我唔係千手觀音點頂得住!
今日嘅主角換咗達達豬 :(
兩個女都有鼻敏感, 成日打乞嚏, 之前豆b係乞嚏公主, 今次就讓咗個位出嚟 ; 近來豆b嘅乞嚏無打得咁密, 偶然先聽到一次半次!
反而呢隻達達豬, 一打乞嚏就比佢嚇死!

豆b要爭氣

第三日, 我同豆b一齊以順勢療法迎戰!
澳洲順勢療師都慨嘆小小一隻狗狗, 要用咁多款療劑好可憐!
豆b常規嘅療劑係唔可以少, 心臟同氣管藥要每日用一次, 好慶幸尚可保得住呼吸方面!

Do it and Believe in it

琴日收到順勢療劑, 梗係立刻比豆b同波波用啦, 西藥已經無咩可以幫到, 我所有希望都寄託喺順勢療法喇!
未用過呢種療劑, 未接觸過順勢療法, 你可能覺得呢樣嘢好神化, 即使去google乜嘢係順勢療法, 都可能係一知半解, 甚致睇完都整理唔到一個確實嘅解答!

又有救星到

繼上次收到順勢療法嘅心臟藥, 我講咗呢句; 今日收到custom-made嘅順勢療法腎病配方, 我要再講一次 "豆b救星到喇"！
希望豆b用呢set腎病配方, 一如心臟療劑咁夾咁好, 有咗呢D療劑在手, 我就無咁苦惱！

攝取蛋白質 (w/video)

豆b仍然係食嘢無胃口, 每餐都要我一啖啖餵入口, 我希望順勢療劑到手後, 會幫到佢變返隻為食豆啦!


雖然豆b係無胃口食正餐, 但佢就極鍾意食cottage cheese, 我明白隻豬豆有蛋白尿, 要嚴格控制protein嘅吸收; 呢幾晚研究每樣食物蛋白質嘅含量, 仲有磷嘅比例, 前晚唔覺唔覺睇到通宵達旦, 連瞓覺都唔記得!

心力交瘁

驗尿試紙已經到手, 好心急幫3隻豬測試, 用晨早第一次尿尿, 咁會準確D!
達達嘅報告最理想, 完全無事;  豆b尿比重比之前進步,  可能係晨早第一次, 尿濃度好D, 而尿蛋白就維持住3+++ , 如同第一次 ; 波波同豆b係同胎, 我直覺佢都會有事!
結果好唔開心, 我重覆驗咗兩次, 都驗到波波有輕微尿蛋白, 真係唔驗又點會知? 還好其他一切都正常無事!

有待未來發展 (w/album)

相片連結

Dr. Hsiang已回港幾日喇, 因為打算見埋Dr. Li先, 未有即時將豆b情況話佢知;   我3隻豬算係由細跟佢跟到大, 今次豆b咁大件事, 我覺得要比佢瞭解, 亦想聽聽佢意見!
琴日將豆b病況話咗佢聽, 亦send咗超聲波圖片同 驗尿報告, 我問以佢嘅睇法, 豆b情況係咪已經去到咁壞?

如果到了離別時 － 轉貼

“如果到了離別時，請讓我離開” - 超感人狗狗寫給主人的一封

狗管家 2015-02-07 12:54
http://toutiao.com/a3926117813/

如果你養過狗狗，你一定可以體會在狗狗最後的歲月里和他道別的那種痛徹心扉的離別之感，特別是如果最後一刻是因為你的決定，讓他永遠的閉上眼睛。
Marley的主人近日就遭受了這樣的痛苦，12歲的Marley已經非常年邁，整日受到病痛的折磨，主人不忍，在一周前請求對狗狗實施了安樂死，但是主人心裡一直沒法越過那道坎，總覺得是自己親手把愛犬的生命葬送。
“它是一隻非常了不起的狗狗，非常乖，從來不調皮搗蛋，每次我們回來他總會搖著尾巴非常開心的跑過來，彷彿很久沒見到我們似得，我非常想他！”
主人沉浸在悲傷中無法自拔，然後他收到了來自寵物醫院的一封信。

醫療態度

其實最怕就係咁, 睇幾個醫生, 個個講法都唔同, 叫人無所適從!
琴晚一行3人去見Dr Li, 就豆b病況尋求另一個定論!
足足逗留喺診症室嘅時間有一小時另10分鐘, 聽咗好多理論!

我要有信心

準備出發見醫生

豆b嘅病況一度令我好混亂, 好多謝咁多朋友關心問候, 更感謝有兩位戰友並肩作戰,今日我情緒已經有好轉; 琴晚阿女都叫我要自己小心身體先, 佢話我一向都勇於接受挑戰(係環境逼出嚟, 頂硬上嗟), 做咩今次思緒咁紊亂?

無限可能

每日嘅心情都如同過山車一樣, 隨住豆b嘅情況時好時壞而上落, 好有無助感!
琴日明顯見到有大進步, 今日又有軟便symptom; 除咗照顧豆b, 仲要打理其餘兩隻豬仔, 怕咗佢哋會覺得我偏心啦; 仲有日常家務, 工人姐姐只做咗兩個月, 都仍需要每事問!

斷症有唔同 (w/video)

心情真係好低落, 但大家都叫我要保持正能量, 亦要往好處去想; 朋友分析比我聽, 兩個醫生睇法兩樣, 第一次有血檢數據, 都有Xray支持, 如果情況咁差無可能睇唔到一絲誅絲馬跡; 第二次多咗超聲波backup, 醫生都只係話個肝size細咗, 係估計應該係肝硬化!
腎就一定係有事喇, 尿蛋白咁差, 但crea正常希望係早期嘛!

心緒不寧

近來心緒不寧, 思潮總係搖擺不定, 夜晚諗嘅一套到早晨可以完全改變晒!
見到豆b經過飲食調較體重升番, 心諗佢情況應該唔會太壞, 仲可以吸收到食物營養可以肥番, 唔使咁絕望啦; 琴晚呢隻豬見我食cookies, 個為食樣出返嚟喇, 眼甘甘望住我好想食咁, 見到佢精精神神, 我稍為好過啦!

銘記在心 (w/album)

相片連結

天氣回暖, 快快手同三隻豬沖涼, 天文台預測下週尾又會溫度下降, 星期三又要帶豆b求診!
日常生活都較以前繁忙, 多咗比豆b特別照顧, 依家要奉行小食多餐, 將食物打爛, 因為要人手去餵, 打爛較易入口, 要貼身服侍喇!

眼淚如缺堤 (w/album)

相片連結

每日都積極上網搵資料, 希望瞭解多D豆b嘅問題, 我實在唔甘心, 一下間比呢個病打低; 自問湊3隻豬仔好用心, 所有食嘅用嘅, 甚至週邊嘅一切, 都經過考慮詳細!
每年都做body check, 從來無發覺佢哋健康有大問題, 醫生亦無叫我做Xray, ultra sound去確認任何肝腎有關嘅問題, 點解突然令我崩潰得咁徹底?

肝腎衰竭 (w/album)

相片連結

心情極差, 經過一晚調整思緒, 算係安定落嚟, 但仍然係唔想面對!

琴日帶豆b去見葉醫生, 比咗豆b驗血報告同XRay佢睇, 佢話無胃口食嘢一定有事, 要搵出原因先可以幫到佢!
佢建議做超音波掃描, 會睇得較全面, 我帶得豆b去求診, 只要係非入侵性嘅檢查, 我一定同意!