希望在明天(w/album) -Turmeric Extract

相片連結

今日工人姐姐放假, 唔會去街街喇, 由得佢哋自己喺屋企玩吓啦; 其實呢幾日都無比佢哋出街行喇, 又凍又大風, 都係睇準無落雨, 比佢哋坐住車仔睇吓街街!

每逢天冷屋企都會舖番張地氈, 因為磚地真係幾凍架! 達達豬就正中下懷, 係咁跑呀跑; 見佢哋玩到熱晒, 就同佢哋除衫衫!

Alopecia X 脫毛症 X - 轉貼

狗狗脫毛原因有 N 種，以下譯文旨在提供更多關於這個疾病的資訊，實際治療尚需您的獸醫診斷與確診。

Alopecia X Also Known As: Adrenal sex hormone imbalance, growth hormone responsive dermatosis
脫毛症 X亦稱為：腎上腺性赫爾蒙失衡、成長性赫爾蒙反應皮膚炎

Transmission or Cause: An incompletely understood disorder often associated with abnormal levels of sex hormones (i.e. progesterone, estradiol, testosterone) orginating from the adrenal glands. Additionally, dysfunctional hormonal receptors on hair follicles likely play a role.
傳遞方式或起因：為一尚未被完全了解的疾病，通常與源自腎上腺赫爾蒙的性赫爾蒙分泌不正常有關聯（例如：黃體激素、雌激素、睪丸激素）。此外，毛囊中不正常的赫爾蒙受體扮演相當重要的角色。

Affected Animals: Most common in young adult dogs of plush-coated arctic breeds such as Pomeranians, Chows, Keeshonds, Samoyeds, Huskies, and miniature poodles.
常見患有此疾病之動物：最常見於雙層毛品種的年輕成犬，例如：博美、鬆師犬、荷蘭毛獅犬、薩摩耶犬、哈士奇與迷你貴賓。

達達豬AlopeciaX

天氣凍咗多咗鼻水喇　:(

達達豬呢個脫毛症X, 真係令我寫個服字, 試咗咁多隻不同補品, 都係停留喺相同階段, 就係嘗試再嘗試!
上次同3隻豬去例行驗血檢查, 我都無再提起呢個症狀喇, 反正又開始試神奇粉, 就繼續去嘗試啦!

嬌縱累事

突然間就番冷, 一下間跌到14度, 本來都好平常, 但可能未習慣, 氣溫跌得咁急促, 就份外覺得凍!
即刻拎番D冬天床仔出嚟, 等佢哋有得選擇, 鍾意就捐入去瞓啦!

按摩4招 - 轉貼

每日按摩

每日抽空為你的寶貝10分鐘的按摩，可以讓你的愛犬保養得宜。

以巴掌量的棕櫚油慢慢的觸摸狗狗的全身，充滿情感的觸摸所有部位，包含毛髮、皮膚、脂肪、肌肉、甚至到骨頭。這額外的『撫摸』可以讓狗狗馬上就會體認到它是沐浴在愛的關注下。
很快的你會發現，雖然耗費些時間按摩，但是你會得到更多。

「尊重」與「溝通」- 轉貼

轉貼:Mack Dog Training

又要轉貼一篇文章, 因為我100%同意, 希望更多狗主會明白, 大家多D「尊重」與「溝通」!!

學生遇上橫蠻的狗主而感到氣憤
學生帶狗狗到狗公園遊玩時  
突然有兩頭狗狗直衝學生的狗狗

學生的狗狗受驚反抗
對方的狗主才慢慢走過來拉開自己的兩頭狗狗  
然後跟學生說  
「你的狗狗社交不足呢﹗」

節制小食 - Coat Plus

琴日接咗波波番嚟, 見到佢多少都有D唔開心, 我都唔敢睇佢D牙仔, 怕咗佢緊張起嚟, 又咳咳咳!

本來琴日H醫生話比我抱住波波做氣麻, 希望佢會較為放鬆,等波波喺我手中進入昏睡狀態; 因為佢想將風險降低, 唔想幫波波先打鎮靜劑; 後來佢話都係唔好由我抱喇, 費事波波嬲咗我, 以後對我唔再親近, 都係由佢嚟做醜人啦! 

我都無諗得咁深入, 諗得咁細心, 真係要多謝H醫生:)

大日子

今日真係一個大日子,首先係一早要帶波波去洗牙仔啊! 
雖然唔係大不了嘅事, 但講到要麻醉, 總係擔心; 仲有要再覆驗血, 睇吓BUN有無回落, 希望事事順利, 一切平安!
到達診所真係好唔捨得放低波波, 唔係講笑, 我會難捨難離:(

H醫生話如果我唔放心, 就留低等吓, 因為波波唔係做手術, 只係洗牙, 基本上麻醉過後醒番就ok喇, 留佢耐D觀察一陣, 無唔妥就可以返家; 咁我梗係留低寧願等吓, 反正番到屋企都係心掛掛啦!

蕃薯乳酪狗狗蛋糕

狗狗的視角....請愛護你家跟街上的毛小孩 - 轉載

網 路上許多跟動物相關的影片，都是站在人的視角拍攝；不過近來韓國女演員李孝利拍了一部短片，是用「狗狗的第一視角」去拍攝，很快在網路上爆紅！畫面中紀錄 這隻小狗從一開始被一對母女買回家，後來卻遭家人冷漠對待，到最後被棄養。甚至在街頭被驅趕、被捕捉、送到收容所。直到另一名女孩領養牠，擁有新的「狗 生」。

神奇粉到!! (w/album)

達達知道呢隻保健品會幫到佢, 所以笑得好甜 :)

等呀等, 終於等到喇, 今日終於買到力量神奇粉!
本來未試過想先買一盒, 睇吓反應如何, 因為報告話有D狗狗會肚屙嘛, 但見到咁難先買得到, 一盒又確實好難見到效用, 唔想一開始就斷斷續續, 都係keep兩盒先啦!
神奇粉呀神奇粉, 請賜比達達神奇力量, 去打嬴呢場仗啦!!

神奇力量

比佢哋上床就好滿足喇

呢兩日無寫blog, 因為無咩特別情況, 天氣好就如常同佢哋落街行吓, 落雨就放晒佢哋上床; 因為呢兩樣都係佢哋嘅最愛!

近日集中替達達選購衣服, 仲買咗D四腳裝, 驚佢日後腳仔甩晒毛毛會好凍, 當日叻叻都係要著呢D嘅; 當個心比較接受事實, 就比較安定落嚟!

剪阿BOO裝?

達達豬扮迷彩boo :)

網友G建議我同達達剪短D毛, 剪阿boo裝, 希望可以好似阿boo咁生得番毛髮細密; 我都聽過好幾個大同少異嘅意見, 認為短毛可以將營養集中; 唔駛將養份帶到去長長毛髮, 可以集中火力去谷毛!

正常嚟講,我都明呢個道理係成立嘅, 但用於脫毛症上, 我有懷疑!
不過都可以一試, 有道死馬當活馬醫啦!
於是今日又再同達達剪短D毛毛; 無可否認喺咁情況下剪短 D係睇落好樣咗嘅, 起碼背部嘅毛毛短咗, 唔會塌下, 可以豎起上嚟; 不過疏落嘅毛毛當然係仍然一樣疏疏落落!

方吋大亂

每次甩毛佢都會唔開心,但無辦法呀,唯有慢慢氹啦!

睇住達達毛髮情況咁差, 個心難免唔舒服, 呢兩晚係咁上網, 睇有無其他辦法幫到忙; 睇完supplement, 又睇狗狗衣服, 有需要同達達置裝喇, 係咁睇呀睇, 不覺睇到就快天光!

我呢個人就係咁喇, 間中會發吓癲, 方寸大亂, 不過還好癲唔得耐, 就好快安然; 其實近日都好多濕碎麻煩事件, 抽油煙機突然唔work, 換一個要近七仟咁貴, 廁所又滲水, 都唔知維修工程大唔大, 會唔會喉管有問題, 如果要撬爛地磚坐廁都幾閉縊, 工人姐姐又hea住嚟做嘢, 完全唔放得低, 真係煩到要命!

日本力量神奇粉 - Power Balance

睇正面都仲算唔太差,可以蒙混過關!

達達豬嘅驗血報告正常, 我就比較放心喇, 但佢毛髮真係越嚟越差, 甩到七零八落, 再唔可以遮蓋到身體嘅輪廓喇; 雖然係無損健康, 但我好驚佢會變到叻叻咁樣, 見到真係傷心!
 
所有食緊嘅supplement都差不多食完喇, 連我抱有好大期望既首烏, 都食左兩個月, 但對佢毛髮生長都係完全無幫助 :'(　 
一早就知道脫毛症係無得醫治, 亦預咗有咁嘅情況, 本來都打算放棄喇! 但再三回想, 達達都有6歲喇, 都有需要繼續做個保健啦, 又再開始搜尋補充品, 又試轉變吓啦!

合久必分

波波落地行先啦

生活平平無奇, 如常運作, 當然我比往常忙咗好多, 因為好多嘢都要自己做番; 往時我只負責3隻豬嘅日常生活, 依家就連洗件衫都唔放心交比工人做喇 :(

話說琴日著咗件衫, 個袋黐住晒洗爛咗嘅面紙, 仲要黐埋一舊舊; 真係好奇怪姐姐燙衫都會唔發覺, 叫佢下次小心D啦, 洗衫前搜吓個袋, 佢話佢一向都係咁, started from day 1啦! 真係除咗O嘴, 仲想殺人 :)

顧此失彼

買咗3隻阿BOO松松公仔, 好可愛, 個樣好似達達 :)

琴日3隻豬仔抽血, 免不了有D瘀傷, 因為佢哋腳仔好幼, 仲要抽兩筒血嚟驗, 要分左右腳抽添, 咁好難免喇!

波波同豆b還好, 琴日好乖好合作, 兩隻嘢都係一take過, 咁就受少D苦啦!
達達豬就麻煩喇, 平時佢知道枝針吉咗入去, 就唔會郁嘅, 可能抽後腳痛D卦, 琴日佢好唔合作, 要分段抽多次啦!
一共吉咗4次, H醫生都話怕咗佢, 一路抽一路講, 達達豬唔好郁呀, 我求吓你啦 :)

健康檢查

去抽血呀, 你哋估去街街咩, 咁開心!

今日終於到咗3隻豬驗血嘅日子喇, 好緊張!
一方面擔心個報告有唔正常, 又擔心有其他毛病, 因為每次H醫生都會同佢哋check吓關節, 聽吓心肺有無異常; 好好彩佢哋呢方面都無問題, 係達達關節比較差, 不過佢唔會跳高跳低, 咁都ok嘅!

雖然每次都係例行檢查, 但個心都係七上八落, 等報告嘅時候, 一樣好難挨; 就算自己無宗教信仰, 嗰時都會禱告一番, 祁求上天賜比佢哋身體健康!!
今日等候期間, 都好擔心架; 等呢短短個多小時, 真係好耐好耐, 當H醫生叫我聽報告, 我個心跳到"澎澎"聲啦!

不同觀點

朋友話”無毛咪無毛囉, 睇乜鬼醫生呀, 黐鬼線” :P

琴日同朋友P傾談中, 談及到養寵物嘅觀點, 佢同我有不同見解, 大家意見有好大分岐, 可能以前我會相信佢嗰套觀念, 但時日過去, 我有好大改變!

朋友都有養狗狗, 但從唔會帶去睇獸醫, 佢認為動物生命力強, 堅信天生天養, 有病都會自己諗辦法, 唔理佢都會自己好番, 佢話佢狗狗有病, 幾日後又龍精虎猛, 如果係時候要走, 就順其自然!

天下太平(w/album)

相片連結

今早好似天陰陰, 以為會落雨喇, 諗住無得去街街!
點知到咗下午, 竟然有陽光, 快快帶3隻豬出去喇, 唔想剝削咗佢哋嘅歡樂時光!

今日佢哋都跑得好開心, 波波有吠咗一次狗狗, 算喇, 唔太過份慢慢教啦; 依家又再喺屋企做友善訓練, 先誘導佢專注力, 要望住我先, 習慣咗出街就比較方便喇, 真係要比D耐性慢慢嚟; 波波喺屋企專注力唔錯嘅, 希望假以時日會成功啦!
其實有時都好有挫敗感, 好想放棄; 但又想佢哋做隻有教養嘅狗狗, 咁難都要再試吓啦:)

永不放棄

仲有3日就同幾隻豬仔去驗血喇, 雖然係rountine check up, 但個心都係囉囉攣!

時間真係過得好快, 轉眼又半年, 今次除咗驗甲狀腺素有無控制得好, 仲會驗個blood profile, 睇吓佢哋身體有無唔妥, 因為想同佢哋洗牙做個準備, 見到波波達達都有牙石, 豆豆就還好, 因為佢肯咬吓骨頭!

洗牙最慘就係要全身麻醉,都係存在風險啦; 驗過血睇過肝腎無事, 咁先落麻醉藥會較保險, 做得嘅我都盡量去做喇, 希望將風險減到最低啦! 

論盡工人 - (４)

工人姐姐做得最稱職, 最開心嘅差事, 就係同我一齊出去walk dog 喇！

琴日僱傭公司電郵我, 話比我知新工人進度如何, 真慶幸遇到一個好嘅agent！ 
其實我之前好擔心, 每次上僱傭論壇, 見到數唔盡嘅控訴, 有衰工人, 又有衰agent, 真係唔到你唔驚; 其實我用嘅呢間僱傭公司, 都有僱主black list佢架, 但我之前用佢嘅經驗, 又唔係咁差; 樹大有枯枝, 一間公司入面都有好嘅同事, 或者我比較好運氣, 遇到嘅agent係真心想做好件事啦!

快樂的小豬(w/album)

相片連結

今日星期日, 個心掙扎緊好唔好同3隻豬仔出去, 擔心街上太多狗狗, 好難managed!
但諗起佢哋出去跑嗰個開心樣, 又唔想令佢哋失望, 望住佢哋輕輕問句, 去唔去街街呀?
佢哋完全知道我講緊咩嘅, 一聽就反應激烈, 幾隻豬又跳又叫, 兩頭咁衝; 見到佢哋咁開心, 好啦一於出去喇, 如果太多狗狗, 就到平台行一轉算啦!

修毛

永遠都係咁可愛嘅達達豬！

達達豬食過好多不同補充品, 但對佢長毛方面都無幫助, 眼見佢毛毛越嚟越薄, 開始好似隻病甩毛喇!
本來之前有諗過去到咁差就同佢cut 阿boo裝, 起碼睇落整齊可愛, 但阿女話天氣凍喇, 由得佢啦; 老公又叫我唔好攪喇, 問心我自己都唔係好捨得啦!

它是否還能繼續活下去？－ 轉貼

'虎虎'露出無助的眼神

呢個係我轉貼自fb嘅一個真實個案, 一個活生生嘅故事, 點解世間上有咁多可惡嘅人, 唔可以善待每一個生命? 
或者換個角度講, 我哋可以唔愛, 但點都唔可以加諸虐待啦!
點解可以咁殘忍而無動於中??
 
雖然世間係唔會有平等存在, 有被寵至如珠如寶生活喺天堂一樣嘅狗狗, 亦有兩餐不繼嘅浪浪, 但見呢隻狗媽媽為咗養育佢嘅寶寶受盡欺凌，真係好慘，諗起每一次被煙頭燙著一下又一下會有幾痛,唔通佢嘅一生就注定要過住地獄一樣嘅生活？

破壞和諧

坐緊電梯落樓

今日下午又同3隻豬仔出去! 喺屋企覺得有D涼, 兩隻女都有鼻水, 同佢哋著番件衫啦; 豆b一直都怕凍嘅, 達達毛毛又薄到見晒肉, 都怕冷親!
點知落到樓下又好似另一個世界, 唔止無風, 仲有陽光, 即刻同佢哋除衫, 等佢哋曬吓太陽喇!

都係一隻行完到一隻, 因為呢個唔係午飯時間, 有可能好多狗狗出去行!

狗狗好惡?

無咗外來搔擾, 3隻豬係好享受外出散步嘅!

好多時我同3隻豬仔去街街, 途人完全唔理解狗狗都有思想感覺, 只在意自己覺得狗狗可愛, 就伸手去摸; 3隻豬仔當中, 除咗豆b見慣大場面:)無乜所謂, 達達會被呢種特如其來嘅行動嚇驚, 縮埋一角, 充滿警戒神情; 波波就好直接, 一定大聲咁吠! 

我最討厭呢D人, 自己唔反省自己做咗乜嘢, 一聽見狗狗吠就話狗狗好惡, 有無聽過"先撩者賤"?