從新調較 (w/album)

相片連結

呢幾日都好好天氣, 但為咗教新姐姐自己都好攰, 一日24小時都好似唔夠用, 仲點同3隻豬出去行! 
每日望住外面陽光普照, 諗住教埋少少就OK, 一定要比佢哋出去跑吓; 但要一個新姐姐捉到你意思真係唔容易, 加上兩地文化又有差異, 所以以為OK, 其實又未OK!

今日又見出面好好陽光, 幾忙都唔再理, 長命工夫長命做,  我同姐姐都要出去透吓氣! 
3隻豬都幾日無出去喇, 一定要比佢哋出去跑一跑, 唔想佢哋屈住屈住!
每次見佢哋出去咁開心, 真係唔想剝削咗佢哋外出嘅時間, 一於改變一吓, 唔好攪到自己咁唔得閒! 

皮膚嘅黑色素

好耐無放裸體照喇, 依家好過之前少少, 就比個裸體同大家見下面 :)

繼續用神奇水幫達達噴皮膚, 按摩吹乾, 每日做嘅指定動作! 達達皮膚無再紅紅一片, 好咗好多;  今日我特別放佢喺塊白色布上面噴神奇水, 然後梳毛, 想睇清楚佢嘅黑皮膚有無改善; 真係好清楚見到有黑色好似頭皮屑嘅沉著物跌出嚟, 雖然係好少好少,但都叫做有D反應, 鼓勵我繼續咁做!
至於生毛與否, 都係未知之數, 但可以保住佢嘅皮膚向健康邁步, 唔紅無異味, 我都好滿足!

論盡工人 - (7)

新姐姐嚟咗之後, 我要由早到晚不停咁講, 不停咁做; 每樣嘢都要示範一次, 每日我又要煮又要去街市, 真係好忙好忙!
之前嘅姐姐認路比較叻, 帶一次就識自己去, 呢個姐姐認路就好似我咁C, 帶咗三次要佢帶我搵番個街市出嚟, 佢就帶我遊花園 :( 
希望佢快D認到路啦, 日日係咁我真係死死!

木瓜雪耳花生湯(附豬仔為食相)

皮膚有進步 - Magic Mist

雖然毛毛好薄，但皮膚真係好咗　：）

琴晚再同達達搽emu oil但改變咗方法, 以前我每日用就薄薄咁搽上去, 然後慢慢按摩等佢吸收; 但琴晚就厚厚咁搽上去, 跟住著件cotton衫仔, 等佢停留一整夜, 然後瞓覺!今早食過早餐, 等佢休息3小時後, 用emu oil shampoo同佢沖涼, 我慢慢同佢搓揉, 真係見到有D黑色素走咗出嚟喎, 雖然係好少好少, 好似頭皮屑咁十多片, 但都係有改進啦; 再者用咗幾日神奇水, 我覺得好唔錯, 其他方面唔太明顯, 但有兩樣就不可不提!

3隻麻煩豬 (w/album)

再多謝好朋友V嘅關心, 繼續幫我搵資料, 鼓勵我唔好放棄達達嘅脫毛症!
今日V又搵咗新資料比我, 有松松有脫毛症得以痊瘉, 佢方法係幫狗狗搽油後再沖涼; 其實當日用emu oil, 我都睇過話等油份停留喺皮膚4小時以上, 可以過夜, 第二日就沖涼; 但又話要一日搽油3次, 我點可能同達達日日沖涼呢, 我怕物極必反, 沖涼咁密甩晒D毛毛仲死添, 所以搽油後由得皮膚吸收咗就算!

123，紅絲帶！誓爭動物警察！(w/album)

繫上紅絲帶, 支持成立動物警察
相片連結

琴晚真係好好瞓, 一來忙咗一整日, 二來新工人姐姐睇落唔差, 放低咗一件心事喇!
今日一早起身, 姐姐好自覺咁清潔緊, 雖然唔係十全十美, 但第二日可以做到咁, 我都比佢80分; 煮食方面當然要慢慢教, 每個家庭食用唔同, 佢又未喺香港做過, 我無預佢可以自己識煮中國餐!

教! 我係唔介意去教, 肯學記住我已經好滿足;  姐姐話佢好開心有我呢個僱主, 佢好感恩, 希望我一直都係咁; 我同佢講每樣嘢都係相向架, 你好我好呢個係正常啦 :)
佢希望我態度唔會變差, 我又何嘗唔係咁諗, 我都希望做耐咗佢唔會越做越差啦!

身心俱疲

同達達噴咗兩次神奇水喇, 相信唔會幫到生毛, 但希望會幫到佢皮膚比較健康; 紅咗嘅皮膚明顯見到有改善, 我希望黑咗嘅皮膚都會有好轉啦!

睇到某D報導, 呢種黑色素沉著係霉菌嘅一種, 所以要用有殺菌作用嘅洗毛水先可以, 我一直用緊嘅dermagic都係有天然殺菌作用, 近期買嘅Emu shampoo都同樣有茶樹油等等天然成份, 點解都唔可以阻止發霉？

最關心嘅兩件事 (2)- Magic Mist

今晚接咗新姐姐喇, 真係多謝agent幫忙, 當我同佢講舊姐姐想早D走, 有無可能唔等咁耐? 新姐姐可唔可以早幾日到? 佢答覆話盡量安排!

都算我仲有少少運氣, 遇到嘅都係好人居多, 又個個都願意幫我; 中午agent突然call我, 話姐姐到咗, 同佢做好新份証就可以接佢, 問我想今晚接佢還是要準備吓, 明日接佢都得; 我乜都準備妥啦, 快快趕去接佢好囉; 姐姐比我第一個印像算唔錯, 好好笑容, 都有禮貌, 第一次見面當然做到呢D基本嘢啦! 
希望佢好好學習, 做耐咗都唔會激死我 :)

有如機械人

今日係無工人姐姐嘅第一日, 感覺好唔同, 同佢放假唔一樣, 成屋靜晒; 可能係心理因素影響啦, 知道佢唔會再番嚟, 總係有D若有所失嘅感覺!

阿女話我過份感情用事, 對一個一直徘徊喺想炒與唔炒之間嘅工人, 好極都有限啦; 問我係咪唔記得晒佢之前激到我要吊頸, 又黑口黑面嘅樣? 幾日前仲慶幸緊好彩大家都無意續約, 點解佢走咗會咁惆悵? 阿女話人一走茶就涼, 點解我咁大個人都睇唔透, 咁唔習慣就坐低慢慢諗番啦 :) 

論盡工人 - (6)

希望佢朝住理想進發, 好好咁做,努力學習啦 :)

終於拜拜喇!
今日係工人姐姐last day, 問我有無唔捨得佢, 當然有少少啦! 人係感情嘅動物, 兩年來朝夕相對, 雖然有時激到我死, 但都係有一份感情啦! 況且佢雖然唔係好聽教, 但心腸都唔壞, 每次佢做得唔好, 仲黑口黑面, 我就好慶幸大家都無意再續約, 我唔想攪到D關係咁差, 凡事留一線好喇; 再念在佢咁錫我3隻豬仔, 呢排佢失魂落魄, 就忍住唔話佢啦!

狗狗應否絕育 - 轉貼

剛睇到一篇資料, 談論狗狗應否絕育, 睇完我感覺真係有D無所適從, 任何嘢都有兩個理據, 咁究竟應該做定唔做, 真係費煞思量 :(

自得其樂（w/album)

相片連結

一連兩日都忙, 今日成日都唔得閒上網 :( 
工人姐姐後日就走喇, 要睇吓有乜嘢自己未攪清楚!　

一早睇過天文台報告, 琴日係本週最暖嘅一日, 等咗咁耐梗係要同佢哋沖番個涼啦, 對twins嘅毛毛又長又亂, 都係時候要修吓喇, 都係自己嚟修少少啦 :)

弱不禁風

點解咁弱不禁風架, 無理由咁孱喎!

工人姐姐留低嘅日子, 進入倒數喇; 新工人接續都有空窗位, 預計呢段日子會較忙, 其實教一個新人仲慘過自己做, 相信大家喺不同崗位都試過, 情願自己做番; 不過長遠計, 當然希望新姐姐pick up得快, 肯學肯做, 咁我就無麻煩! 

預咗新姐姐嚟到我仲忙, 又年近歲晚, 一個家點都有D嘢要攪攪 :) 
櫬住呢個姐姐仲喺度, 琴日鼠出去買少少嘢, 都係來去匆匆,實在都唔太放心留佢一個喺屋企, 因為佢仲未有新工作, 已經失魂落魄 :( 
是但買咗D裝飾品, 少量海味雜貨, 就趕住返家行!

狗的視力 -轉貼

我們不清楚狗的視力是多少,但狗分別細小東西的能力亦比人較差. 而對顏色的分辨能力也很低,好像只能根據深淺來判斷顏色,
主要能分辨黑,白,灰三種顏色. 也就是說狗的世界就是只有黑白且模糊的!

但近年看過一些研究報告指出,狗還可以分辦黃,紫,藍這三種顏色的!
和人相比,狗對動態的視力更發達,聽說牧羊犬可以注意到在1500米以外揮手的人~ 所以牠們在很遠的地方就能夠發現到獵物.
而且,加的感光系統亦很發達,因此,牠們在黑暗中的視力比人要好!

跟著我！8周大狗寶寶怕下樓梯 小公狗貼心示範 - 轉載

加拿大一隻8周大、胖嘟嘟的小狗不敢下樓梯，飼主家中另一隻6個月的小公狗「Simon」非常貼心，多次爬上爬下「示範」，飼主也不斷加油打氣，這隻小狗終於鼓起勇氣下樓，場面溫馨。

細談3小豬性格

波波真係叻仔咗　:)

以前波波好多病, 細細個就不停抽血驗, 真係好可憐, 佢又特別細膽, 跌一跌都休克, 撞一撞都腦震盪要入院; 我湊佢真係小心翼翼, 捧喺掌心咁呵護, 因為覺得佢受好多苦, 所以特別疼錫, 咁就縱壞晒!
所以佢係有好強烈獨佔媽媽嘅意圖, 因為媽媽一向視佢如珍寶!
爸爸都一日到晚寶貝仔, 寶貝仔咁叫佢, 真係攞命 :)

身心健康發展 (w/album)

佢哋都玩得好開心 :)
相片連結

今日工人姐姐又放假, 依家佢吹無定向風, 話要放就放假喇, 因為要配合新僱主時間去interview; 是旦啦, 仲有一星期咁大把, 反正佢留喺屋企都無用, 無心機做嘢敷愆了事, 見佢咁我都會唔開心嘛; 我都明白佢未搵到新工作好擔憂, 心情唔好, 寧願選擇無眼睇, 比佢出去仲好啦 !有3隻豬仔陪住我又唔會悶, 同佢哋玩吓白癡遊戲, 拎住個公仔扯嚟扯去我都笑得一餐; 係屋入面跑吓圈, 佢哋都ok架, 好彩佢哋身型細, 都可以喺屋裏面跑, 但我轉得兩轉真係頭都暈埋 :)

Zoom Room Guide to Dog Body Language - 轉載

大家都要學習吓狗狗嘅body language, 咁溝通就易D喇, 當狗狗做出安定訊號, 配合好就唔會有麻煩!
不過我自己都好難理解, 好多時佢哋做得唔太明顯, 我都唔係好明白 :p

淺談魚油

爛瞓豬仔，日瞓夜瞓　:)

今日同網友KA談及比狗狗食魚油嘅問題, 我覺得值得同大家研究吓, 因為餵魚油真係好普遍, 而事實上魚油對健康又好處多多; 可以幫助視力, 關節, 心臟, 腎臟及癌症等等有關疾病; 但大家又有無關心過用量同成份?

魚油有好多牌子, 好多不同成份, 有純魚油, 亦有植物來源嘅如亞麻籽油, 橄欖油等等; 不過對狗狗最好嘅, 應該係含豐富EPA/DHA嘅深海魚油.

請你傾聽 - 轉載

論盡工人 - (5)

星期6,日比工人姐姐放假去揾工, 但都係無功而返, 一連兩日比佢出去佢都未揾到新僱主, 夜晚番嚟同我講佢好depressed, 估唔到揾工咁難!
佢本來set咗好多條件, 咁又唔得咁又唔做, 依家唔敢再諗, 但求有僱主meet 到去加拿大嘅requirement就得喇!
佢話琴日喺條街一路行一路喊, 有僱主夲來想要佢, 但佢又唔敢湊new born, 原來佢都知自己粗心大意, 怕害死BB呀; 咁佢都算有良心, 我一直都話佢心腸唔太壞!

陽光普照(w/album)

兩隻豬嘅拍拖相 :)
相片連結

今日好好太陽, 工人姐姐買完餸番嚟話好熱呀, 我上網check吓天氣預告, 跟住幾日又會慢慢冷番; 都係快D同3隻豬仔出去喇, 曬吓太陽跑吓跳吓, 大家都開心D啦 :)

工人姐姐提我帶相機, 佢話唔幫我影得好多次喇, 想當日佢連focus都唔知係咩嘢, 只會亂按一餐; 依家都算影得有板有眼, 起碼catch到豬仔們嘅自然神態啦!
呢個姐姐對於做呢D嘢學得好快, 可惜我唔可以請佢番嚟淨係陪幾隻豬仔去街街 :(

生活隨筆(w/album)

相片連結

今日覺得好凍, 同3隻豬仔換番件厚衫仔, 松松氣管較弱, 唔好冷親條頸!
今次係第一次買樽領衫, 松松胸前一大把毛毛, 從無諗過自己會選呢種款, 但舊年豆b病咗好耐, 氣管好麻煩; 舊年都要同佢圍住頸巾, 無咁方便, 今次試吓著樽領, 睇吓啱唔啱啦, 保護到氣管就得喇!

最關心嘅兩件事

達達同工人事件係目前我最關心嘅事
舊年聖誕達達仲好地地嘅 :'(

早兩日同V見面嘅時候, 佢問我對達達甩毛事件, 係咪半放棄希望狀態; 其實係架, 今次唔係我狗狗第一次經歷呢種病, 去到最後係點, 心中有數啦!

一打開網頁搵Alopecia X呢種病, 有幾多個案, 要有治療正方, 早就可以醫好呢個病啦, 仲使乜我盲摸摸; 只不過我唔想就咁放棄, 想盡人事幫忙, 希望有奇蹟出現; 如果達達可以出番毛毛, 係意料之外, 相反, 心裏面都早有定案!

碰見老友(w/album)

鋪咗暖墊落車仔, 好暖 :)
相片連結

今日天氣唔錯, 又同3隻豬仔去街街!
波波行第一個, 遠處已經望到佢老友隻芝仔行緊嚟, 波波好緊張呀! 
隻芝仔越行越近, 見到波波係咁衝前, 佢好激呀; 兩隻傻狗相遇, 好似火星撞地球咁, 嘈到拆天, 真係怕咗佢哋!

親身道謝

準備好去街街喇！

達達皮膚好似無咁紅喇, 都唔知係咪搽Emu Oil嘅關係, 佢有敏感? 不過我測試過, 同佢搽背部係無問題, 最紅都係條頸仔, 可能係磨擦到嘅關係!

阿女話會唔會天氣太乾, 佢皮膚又乾燥呀? 我真係唔知, 但我唔敢再同佢搽D頸位同易敏感嘅部位; 又可能我太勤力, 一日3次太多, 仲要按摩得咁仔細, 有時真係好心做壞事, 太急進有反效果啦!

New Year 2013

今年要有進步呀 :)

時間真係過得好快, 咁又到咗2013年, 3隻豬仔同大家講句新年快樂, 祝願大家過得一年比一年好! 
我自己嘅願望就每年都一樣, 祇希望個個都身體健康!

今日一早起身如常餵3隻豬仔食早餐, 波波聞吓就走咗去, 我最怕就係狗狗唔肯食, 唔好新年流流咁同我玩啦!
一餐半餐唔食睇定吓先, 好彩中午佢肯食番午飯喇; 不過唔係好精神, 成日瞓, 係天氣凍還是有其他呢?