 |
| 相片連結 |
終於都同3隻豬影咗今年嘅聖誕相, 近日達達嘅脊椎出事令到我好忙, 主要係個心一直都唔安樂, 根本無晒mood囉!
今次係咁多年來第一次影過節相會當係例行工事, 所以完全無心機諗點去佈置, 真係隨便過隨便拎出幾個公仔, 反正最重要都係有3隻豬仔嗟!
我希望我可以同佢哋共渡好多好多個快樂聖誕, 然後......
呢D相片日後會係我一個好珍惜嘅memories!
3隻豬都應該感受到我無一直以來影相嗰種衝勁, 佢哋表情都同我一樣咁懶洋洋, 全都無笑樣;p 大家嘅心態都好似為咗交差, 為我哋一齊共渡2013嘅聖誕留點憑証:)
可愛嘅小寶貝, 完全心靈相通, 我唔起勁佢哋一樣唔起勁, 哈哈哈......
講番達達做完第三次針灸後係見到有好嘅改善, 除咗都仲係見到佢腳仔震震, 整體反應都好ok, 最明顯係精神方面, 佢巴巴閉閉又惡又雞啦; 我應該係好開心佢情況得以改善, 但另一方面以前從未見過嘅狀況, 竟然出咗嚟; 達達從來唔會用後腳支撐咁企起, 我養咗佢咁多年呢個動作從未見過, 但最近我見過佢企高起嚟 :(
咁情況當然係佢筋骨有好嘅改善, 但另一方面我又要加倍留心啦, 咁樣除咗傷害佢脊椎, 仲會傷害佢嘅膝關節嘛!
呢隻女真係曳曳, 依家仲好似bb咁扭計, 飲湯一定要用針筒比佢試過味, 佢鍾意就飲到舔晒脷, 唔鍾意嘛就行鬼咗去, 要我用針筒追住佢餵啦!
小朋友身體有事就係咁縱壞咗出嚟, 已經縱壞咗波波, 成個少爺仔, 依家連達達都咁曳曳 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
