人生係咪無完美嘅呢? 做人係咪一定要有缺憾? 正當我覺得自己嘅一生都算了無遺憾, 我好感恩!
上天就嚟同我開個玩笑, 佢指派咗呢8隻寶貝比我, 測試吓我嘅耐力係咪勝於常人, 所以要我一關一關咁過啦!
以前養5寶, 當佢哋有唔舒服, 我都一樣心驚膽震, 尤期係同叻叻共渡嗰段時間, 真係唔想再望番轉頭!
以為今次養呢3隻豬仔, 自己已經係經驗豐富, 只要小心D, 應該掌握到!
但事與願違, 好多嘢都係想像唔到, 波波6個月開始肝酵素高, 已經嚇到我膽都無, 一連串驗血療程, 總算醫番好, 但又嚟背脊生骨刺, 我真係好痛苦, 好驚佢軟組織壓到神經線, 佢會行唔到😓
好艱難將病情穩定落嚟, 都叫做平安過渡, 又嚟達達夭心夭肺, 究竟安樂兩個字我仲可唔可以見得到?
3隻豬都有低下嘅甲狀腺素, 本來都控制得好好, 但達達又要嚟個脫毛症, 辛辛苦苦咁搵盡辦法醫番好, 但都係要每年循環咁報到; 依家仲要嚟埋椎間盤突出症, 呢個病波波我都未驚完, 又要達達都得到; 點解一波未平一波又要起啊??!!!
琴晚夜, 如常抱達達上我床瞓, 佢好快瞓得好"林",突然佢發出一D聲音, 唔可以算尖叫因為唔高音, 但確定係唔正常嘅聲音喇!
我當時坐喺佢身邊, 見佢好驚咁縮起咗前手, 表情僵硬晒, 我即刻抱起佢安撫; 我攬到佢好實話媽媽一定會幫到佢, 叫佢要放鬆!
過咗一陣佢放鬆番, 但我就好down!
如果達達無椎間盤問題, 我會視今次事件係佢發惡夢, 但依家就會偏向諗佢病情有惡化, 驚佢開始痛痛喇 😢
琴晚係一個無眠夜, 我隔一陣就要望下隻豬, 佢就瞓得好好, 我就不斷胡思亂想啦!
我有如一條扯到行嘅橡筋, 快要斷喇; 呢幾隻豬三朝兩日就要我嚇破膽, 我真係唔襟嚇啦 😰
 |
| 佢今朝無晒事喇, 睇佢個樣得戚到 |
今朝一早隻衰豬無晒事喇, Dr. Sam話可以同佢浸浴, 咁我同佢浸吓幫助佢血液循環, 等佢relaxed D啦, 先喺浴室噴上Chill-Out香薰, 再播放SPA Music, 今次放咗佢落水後我全程用手hold住佢, 佢好快習慣, 吹毛嘅時候仲瞓著覺!
微泡有按摩作用, 見隻豬咁享受, 我知道我今次做得啱 😌
之後都係要嚴格咁困籠喇, 隻曳豬喺圍欄內都團團轉, 都係休息唔到啦 😞
 |
| 浸到想瞓覺:) |
跟住再幫豬豆浸埋, 佢明顯比上次習慣, 無緊張喇!
我覺得當佢哋浸嘅時候由得佢哋自己調較, 唔好郁D水, 佢哋就唔會驚, 反正微泡有按摩作用, 等佢哋自己慢慢習慣就好喇！
 |
| D水真係好似奶, 仲見到D微泡一粒粒啦 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
