今日達達做到第5次針灸治療喇,醫生話達達反射神經係正常晒, 反應好快; 但對於佢腳仔仲係震同下盤無力, 就好似幫助唔大, 唔通正如醫生一開始所講, 關節移位呢D問題針灸都好難幫忙!
朋友M狗狗都有做針灸治療, 佢有提及一般療程做咗3-4次應該見到成果, 如果無幫助就可以停咗佢喇!
一直深信針灸會有幫助, 而事實上的確解決到達達反射神經遲緩嘅問題, 但點解佢脚震又反而多咗?
以前間中見佢後右脚會震, 依家仲兩隻一齊嚟, 點解會咁?
究竟呢樣係因為佢膝關節移位還是係椎間盤問題?
我會堅持再做, 反正網上有講話慢性椎間盤問題, 要做4-6次嘛, 依家做到第5次, 有可能第6次後會嚟個大躍進, 完全解决問題呢, 如果6次之後仍無改善, 咁有可能係關節問題, 就要再作其他考慮喇!
達達你要爭氣, 快快企得穩D啦！
 |
| 今日係護士哥哥hold達達, 幾驚佢發脾氣啊！ |
 |
| 好彩哥哥企喺佢背面hold佢 :) |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
